Jn 8:28 - Chuj San Sebastian Bible

²⁸ Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

Chuj San Mateo Bible

²⁸ Yuj chi' ix yalanxi d'a eb' vin̈: —Ato yic ol in e d'un̈b'anq'ue a in Ac'b'il in cot yuj Dios voch animail tic, ato ta' ol nachajel eyuuj to A In Toni. Ata' ol nachajel eyuuj to malaj tas munil tzin c'ulej in ch'ocoj. An̈ej juntzan̈ c'ayb'ub'al yalnac in Mam d'ayin, an̈ej svala'.

Jn 8:28 Referans Kwoze

Jn 5:30

An tic, may junc tas tztac' in b'on in ch'ocoj. 'Icha tzyal in Mam 'ayin, 'ixta tzwutj in b'eyc'ojlani. Caw wach'n̈j tzwutj in b'eyc'ojlani, yujto matz in b'o 'icha tzin nib'j an tic, palta an̈j 'icha tznib'j jun checjnacn coti, atn in Mam.

Jn 5:19

'Ix yaln pax Jesús 'a ewin 'ixtic: —Wal yel tzwal 'ayex, an Yunnaln Dios tic, may tas tztac' in b'on in ch'ocoj. Cojn tas tzwil sb'on in Mam, an̈j tzin b'o'o. Jantcn̈ej tas tzb'o in Mam cha, a tzin b'o paxi.

Jn 6:38

An tic, cotnc in 'a satcha'an̈, tzwul in b'onc 'icha tznib'j jun checjnacn coti. Man̈ yujoc wul in b'onc tas tzin nib'j in ch'ocoj, in coti.

Jn 3:14

An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um, 'ixta 'oj waj q'ue t'un̈n paxi.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

A Tas Sc'ulejnac Eb' Schecab' Jesús Hechos 4:4

Palta a wal eb' x'ab'n spaxti Dios 'a scal eb' 'anma cha, til wal eb' xya'ch sc'ojl 'a 'a. Yuj cha, caw niwn x'aj eb' creyente. A sb'isl eb' winac, 'aym o'e'oc mil eb'.

A Tas Sc'ulejnac Eb' Schecab' Jesús Hechos 2:41

Yuj cha, 'ay eb' xya'ch 'a sc'ojl 'a tas 'ix yal Pedro cha. 'Ix laj ya'n 'ajxc bautisar sb'a eb'. A eb' x'och creyenteal 'a jun c'u cha, 'aym 'oxe'oc mil eb'.

Jn 19:18

Ata 'ix ya'ch eb' Jesús 'a spenc culus. 'Ay chawn̈ xo eb' x'ajx 'och 'a spenc culs chi yet'oc, junjn eb' 'a smo'och. Yuj cha, a 'a snan̈l sculsal eb' chi xcan Jesús yet' sculsal cha.

Jn 16:10

'Oj yac' yojcoc 'el eb' chajtlto wach'n̈j xwutj in b'a, yujto 'oj in pax 'a 'aj 'ay qui Mam Dios. Man̈x 'a 'aj 'oj in eyil 'a tic.

Jn 11:42

Wojc xoni to smasnil tiempo tzab' tas tzwala. Palta yuj eb' 'anma tic, tzwaln jun tzo'n̈ tic 'ayach, sec wach' 'oj ya'ch eb' 'a sc'ojol, chajtlto ach checjnacn coti, xchi Jesús.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Jn 3:11

Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

Dt 18:18

'Oj in sic' 'elt junc xo in checb' 'a scal eb' 'icha ach tic, junc mach to yit chon̈b' eb', sec a tas 'oj wal 'a 'a, a chi 'oj yalx 'a eb'.

Mt 24:5

Yujto til wal mach 'oj' 'esnc 'el in b'i, ax yaln eb' 'ixtic: An ton tic Cristo in, 'oj schic cob' eb'. Til wal 'anma 'oj yixtc paxti eb'.

Mr 13:6

Yujto til wal mach 'oj jawoc, ax yesn 'el eb' in b'i. An ton tic Cristo in, 'oj schic cob' eb'. Til wal 'anma 'oj yixtc paxti eb'.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

Jn 4:26

—An ton tic wan in paxtin 'aych tic, xchi Jesús 'a 'ix.

Jn 8:27

Palta ma'ix nachj 'el yuj ewinac, toto wan yaln yuj qui Mam Dios.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

Jn 13:19

'Aycto tzwaln can jun tzo'n̈ tic 'ayex, sec wach' a yic 'oj jawc jun chi 'a wib'an̈, ax e wach' 'a'n 'och e c'ojl 'ayin, to an ton Cristo in.

Jn 18:32

'Ixta x'aj yel'ch tas 'ix yal Jesús, chajtlto 'ixta 'oj yutc eb' smiln chamoc.