Jn 7:7 - Chuj San Sebastian Bible

⁷ A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Chuj San Mateo Bible

⁷ A eb' ay d'a yolyib'an̈q'uinal tic eyed'oc, max ex schaquel-laj eb'. A inxo tic, tzin schaquel eb', yujto tzin ch'oxeli to malaj svach'il sb'eyb'al eb'.

Jn 7:7 Referans Kwoze

Jn 3:19

An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'.

Gl 4:16

Al ticnec, ¿tom tzin 'och 'ajc'ojlal 'ayex, yujto tzwalb't jun tzo'n̈ tas caw yel 'ayex?

1 Jn 4:5

A eb' cha, yicn̈ej yolyib'n̈q'uinl tic yaj eb'. Yuj cha, cojn jun tzo'n̈ yic yolyib'n̈q'uinl tic tzyal eb'. Ax eb' 'anma', caw tzya'ch eb' schicn 'a eb', yujto yicto pax yolyib'n̈q'uinl tic yaj eb' yet' eb'.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Jn 17:14

Tox xlaj walcn a paxti 'a eb'. Palta a eb' 'anma yic yolyib'n̈q'uinl tic, caw tzchichn 'och eb' 'a eb', yujto man̈x yico'oc yolyib'n̈q'uinl tic yaj eb' yet' eb'. 'Icha in an tic, man̈ in yico'oc yolyib'n̈q'uinl tic.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Lc 6:26

A yic 'oj ex yal eb' 'anma wach'il, caw 'oltac ex, yujto 'ixta yutjnac eb' 'anma yaln wach'l eb' cob' yaljnac 'och sb'a schecb'oc Dios pecti'.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 29:21

atn eb' tzpitzn chan̈ 'es 'a yib'n̈ yit 'anma'il, eb' tztenn 'och wan win juez, sec matz 'och yailal 'a yib'n̈ eb' maysch'olnil. Tzya'n eb' 'es, sec man̈ tojloc tz'aj sb'oyaj eb' wach' snab'en.

Pr 15:12

A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

Salmos 109:5

A 'in wach' nab'enal 'a eb', tu tzyutj eb' spacn 'ayin, ax spac in chamc'ojlal 'a eb', to tzin schacl eb'.

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.