Jn 7:33 - Chuj San Sebastian Bible

³³ Ax Jesús cha, 'ix yaln 'ixtc 'a eb' 'anma': —Jab'xoj wal tiempo 'ayn 'ec' eyet'oc. 'Oj lajwc cha, ax in pax 'a 'aj 'ay jun checjnacn coti.

Chuj San Mateo Bible

³³ Axo Jesús ix alan d'a eb' anima: —Jayexon̈ej c'ual ayinec' eyed'oc, ol lajvoc chi' ol in meltzaj d'a mach checjinac in coti.

Jn 7:33 Referans Kwoze

Jn 16:5

Al ticnec, 'oj in pax 'a jun checjnacn coti. Palta 'in may junc ex tze c'anb'j 'ayin, 'aj 'oj in c'ochi.

Jn 13:33

Ex chamc'ojlb'il wu'uj, jab'xoj wal tiempo 'ayn 'ec' eyet'oc. 'Oj in e sayq'ui, palta mant 'oj stac' e c'och 'a 'aj 'oj in c'och cha, 'icha wutjnac waln 'a eb' 'aj Judea.

Jn 17:13

'Oj in paxx 'ayach. Palta ya' sb'a 'aynto 'ec' jacx 'a yolyib'n̈q'uinl tic, tzwaln can jun tzo'n̈ tic, sec wach', 'icha tzin tzalj tic, 'ixta 'oj tzaljc pax eb'.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Jn 16:28

Yel, a 'a qui Mam Dios cotnc in, in jaw 'a yolyib'n̈q'uinl tic. A ticnec, 'oj wactc can pax yolyib'n̈q'uinl tic, ax in pax q'ue 'a 'aj 'ay qui Mam Dios cha, xchi 'a eb'.

Jn 16:10

'Oj yac' yojcoc 'el eb' chajtlto wach'n̈j xwutj in b'a, yujto 'oj in pax 'a 'aj 'ay qui Mam Dios. Man̈x 'a 'aj 'oj in eyil 'a tic.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

Jn 14:12

Wal yel tzwal 'ayex, a eb' tzin 'a'n 'och 'a sc'ojol, 'oj sb'o eb' jun tzo'n̈ tas tzin b'o'o. 'Ay jun tzo'n̈ xo tas 'ec'b'al 'a yib'n̈ jun tzo'n̈ tic 'oj b'o yuj eb', yujto 'oj in pax 'a 'aj 'ay qui Mam Dios.

Jn 14:28

Tox 'ix wal eyab'i', to 'oj in paxi, palta 'oj in japxi, ax in can eyet'oc. Toto yel tzin e chamc'ojlej, toto 'ixta', tzex tzalji, yic 'oj eyab'ni, to 'oj in pax 'a qui Mam Dios. Yujto caw 'ec'b'al xo yel'ch 'a wib'an̈.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.