Jn 7:32 - Chuj San Sebastian Bible

³² Ax ewin fariseo, xyab'n ewinac tas xyal eb' 'anma yuj Jesús. Yuj cha, smol aln ewin yet' eb' sat ya'mal 'och sti eb' israel 'a Dios, 'ix cob' schecnc 'at ewin jun tzo'n̈ eb' policía stan̈mal yatut Dios, yic tz'at yi'nc cot ewin Jesús, sec tzya'ch ewin 'a preso cob' snani.

Chuj San Mateo Bible

³² Ix yab' eb' vin̈ fariseo tas syal eb' anima yuj Jesús. Yuj chi', a eb' vin̈ yed' eb' vin̈ sat sacerdote ix checanb'at juntzan̈ eb' stan̈vumal stemplo Dios, yic b'at yic'cot Jesús eb', yic syac'anoch eb' d'a preso snaani.

Jn 7:32 Referans Kwoze

A Tas Sc'ulejnac Eb' Schecab' Jesús Hechos 5:26

Yuj cha, ax win sat stan̈mal yatut Dios, yet' ewin policía, x'at yi'nc cot ewin eb'. Palta man̈toc amancotn xit' yutc ewin yi'n cot eb', yujto xiw ewin sjul q'uenax yuj eb' 'anma'.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

A Ch'an̈ B'ab'el Libro Samuel 19:20

'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.

Mt 12:14

Ax 'ix 'elt ewin fariseo cha, 'ix slajtin sb'a ewin 'a spatic, tas 'oj yutc ewin smilni.

Mt 26:58

Ax Pedro, najt tza'n s'at yu'uj, 'ix 'ochch 'a yamq'uil yatut win sat yaj 'a ewin cha. 'Ix 'em wocn yet' eb' policía, sec tzyila tas wal tz'aji.

Jn 7:30

Yuj cha, 'ay eb' tznib'j 'a'nc 'och 'a preso. Palta may mach 'ix yamni, yujto mantzac jaw stiempoal schami.

Jn 11:46

Palta 'ay jun tzo'n̈ xo eb' x'at alnoc yab' ewin fariseo, tas 'ix b'o yu'uj.