Jn 7:24 - Chuj San Sebastian Bible

²⁴ Ax tic, man̈ e comn b'eyc'ojloc junc mach 'a 'ichn̈j ta'. Toto 'ay mach tze b'eyc'ojlej, caw wach'n̈j tzeyutj e b'eyc'ojlani, xchi Jesús 'a eb'.

Chuj San Mateo Bible

²⁴ Man̈ e comon ch'olb'itej junoc mach d'a ichn̈ejta'. Tato ay mach tze ch'olb'itej, d'a stojolal tzeyutej e ch'olb'itani, xchi Jesús d'a eb'.

Jn 7:24 Referans Kwoze

Santiago 2:9

Palta toto man̈ jun lajnoc tzcutjec qui chamc'ojlan smasnil, toto 'ixta', caw tz'och qui mulec. A jun ley tic tzalni, to tz'och qui mul 'a 'a.

Jn 8:15

Ax tic, ton̈j tze comn b'eyc'ojlej junc mach muc'uc. Aln tic, may mach tzin b'eyc'ojlej.

Santiago 2:1

Ex wu'tac, ex wanab', toto yel 'aych qui c'ojl 'a Cajlil Jesucristo, atn jun caw niwn yel'chi, yowlal jun lajnn̈ej tzcutjec qui nab'en 'a smasnil 'anma'.

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Santiago 2:4

Toto 'ixta tzcutjec qui b'a, wan qui nani, mach 'ay yel'ch 'a qui calec, mach pax ma'ay. Wan ca'nec 'och qui b'a juezal, caw maysch'olnil jun qui nab'enec cha.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Is 5:23

A eb' yajal, yuj tumin tzyaln eb' to a junc tz'och smul, may smul yaln eb', ax junc may smul cha, matz b'o yaj eb' 'a stojlal.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Jn 7:25

Yuj cha, 'ay jaywn̈ eb' 'aj Jerusalén chi 'ix aln 'ixtic: —A jun winc tic, ¿man̈oc am win tz'ec' sayc' ewin tznib'j milnc chamoc?

2 Co 10:7

Ax xo, cojxn tas tzeyil yet' e sat tztac' snachj 'el eyu'uj. Toto 'ayx tze na'a, to cojn ex caw yic ex Cristo, nachj cab' 'el eyu'uj, to an̈jtona', yic on̈ pax Cristo on̈.