Jn 7:14 - Chuj San Sebastian Bible

¹⁴ Spaclto yaj jun q'uin̈ cha, 'ix c'och Jesús 'a yamq'uil yatut Dios. 'Ix cuywj 'a eb' 'anma'.

Chuj San Mateo Bible

¹⁴ Vanxo snan̈alb'i jun q'uin̈ chi', ix q'uec'och Jesús d'a yamaq'uil templo. Ix och ijan sc'ayb'an eb' anima ta'.

Jn 7:14 Referans Kwoze

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

Lc 19:47

Junjn c'u, 'ix c'och'c Jesús cuywjoc 'a yamq'uil yatut Dios cha. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin yajl chon̈b' cha, 'ix sayn ewin tas tzyutj smilni.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Jn 7:2

Wan sjapx stiempoal jun sq'uin̈ eb' israel tzcuch Q'uin̈ Chinama.

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Mt 26:55

Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

Mt 21:12

Xlajw cha, x'och Jesús 'a yol yamq'uil yatut Dios, 'ix spechn 'elt smasnil eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin, yet' xila eb' chon̈m parama.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Nm 29:17

A 'a waque xo c'u q'uin̈ cha, 'ipn yemt sb'isl no quelm wacx tz'ajx xajmb'al-l cha, junjn yemt sb'isl no 'a junjn c'u. Yuj cha, ax a yucl c'u cha, cojxn ucwn̈ no quelm wacx chi tz'ajx xajmb'alil. Ax pax jun tzo'n̈ xo xajmb'al tz'ajx xoni, tzb'eyn̈j stzol-l 'icha xon yaji.

Jn 8:20

A 'a yamq'uil yatut Dios 'a stz'ey jun chalab' ofrenda, ata xyal Jesús jun tzo'n̈ tic. Ata 'ix cuywj 'a eb' 'anma'. May junc mach 'ix yamni, yujto mantzac jaw stiempoal schami.