Jn 6:68 - Chuj San Sebastian Bible

⁶⁸ Ax Simón Pedro 'ix ta'w 'ixtc 'a 'a: —Mamin, ¿tom 'ay junc mach 'aj 'oj stac' qui 'at yet' on̈? Yujto a jun tzo'n̈ paxti tzal 'ayn̈ tic on̈, ata 'oj qui cha qui q'uinl 'a jun 'ejmn̈ej on̈.

Chuj San Mateo Bible

⁶⁸ Axo vin̈aj Simón Pedro ix tac'vi d'ay: —Mamin, ¿mach b'aj ol on̈ och tzac'an jun? Malaj junxo mach icha tic sloloni yic sco cha co q'uinal d'a juneln̈ej.

Jn 6:68 Referans Kwoze

Salmos 73:25

¿Toc 'ay junc xo mach 'a satchan̈ 'aj tzwa'ch in nab'en? Cojn ach toni. A yic 'ayn xo 'ec' et'oc, man̈x 'a tas 'oj in nib'c 'a sat lum tic.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

A Tas Sc'ulejnac Eb' Schecab' Jesús Hechos 4:12

May junc xo mach 'aj wach' tzo'n̈ colchjec, yujto a 'a yolyib'n̈q'uinl tic, may junc xo mach 'ix yac' Dios yopiso ya'n qui colnb'ilec, cojxn Jesús, xchi Pedro.

A Tas Sc'ulejnac Eb' Schecab' Jesús Hechos 5:20

—'Ixquec 'a yamq'uil yatut Dios. Tzex q'ue lin̈an, tzeyaln 'el wach' 'ab'x yic jun q'uinl tic tzat 'ajx 'ayx tic, xchi jun ángel chi 'a eb'.

A Tas Sc'ulejnac Eb' Schecab' Jesús Hechos 7:38

Atn Moisés chi 'e'nc yet' eb' 'anma 'a lum cusltac lu'um. 'Ayc' pax jun ángel yet' eb', atn jun xpaxtin yet' Moisés chi 'a lum Sinaí. Ata 'ayc' pax eb' qui mam quichmec yet'oc. A 'a Moisés cha, ata ya'jnac can Dios jun tzo'n̈ spaxti tzyal yuj qui q'uinlec. Yuj cha, a 'a'jnac can pax 'ayn̈ec.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Jn 6:40

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

Jn 17:8

A wal a paxti 'a'jnac 'ayin, c'uxn xwal 'a eb'. Ax eb', xya'ch eb' sc'ojl 'a 'a. Yuj cha, yojc eb' to yel a 'aych cotnc in. Tzya'ch eb' 'a sc'ojol to ach checjnacn coti.

Mr 8:29

—Al ex ¿machn pax eyala'? xchi 'a eb'. Yuj cha, 'ix ta'w Pedro 'a 'ixtic: —Ach tic, Cristo ach, xchi.

Lc 9:20

—Ax xo, ¿machn pax eyala'? xchi 'a eb'. —Ach tic Cristo ach, xchi Pedro 'a 'a.

Jn 12:49

Yujto man̈ munoc tzin paxtin in ch'ocj 'a yol wico'. A 'in Mam checjnacn coti, a aljnac schecnb'il 'ayin tas tzwul wala'.

Jn 12:50

Wojtac, yuj schecnb'il cha, tztac' schan eb' 'anma sq'uinl 'a jun 'ejmn̈ej. Yuj cha, 'icha yaj yaln in Mam 'ayin; 'ixta tzwutj walni, xchi Jesús.

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

A Tas Sc'ulejnac Eb' Schecab' Jesús Hechos 8:37

[—Tztac'a, toto smasnil a c'ojol, tza'ch a c'ojl 'a Cristo, xchi 'a winac. —Tzwa'ch 'a in c'ojol, chajtlto a Jesucristo, Yunnal Dios, xchi winac.]