Jn 6:39 - Chuj San Sebastian Bible

³⁹ A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

Chuj San Mateo Bible

³⁹ A tas snib'ej in Mam checjinac in coti, to man̈ ol satel junoc mach d'a scal eb' syac' d'ayin. Sgana to a in ol vac' pitzvocxi eb' d'a slajvub' c'ual.

Jn 6:39 Referans Kwoze

Jn 17:12

Yic 'ayn 'ec' yet' eb' 'a yolyib'n̈q'uinl tic, xin tan̈wj eb' yet' a poder. An 'ix wac' cuenta eb' xac' 'ayn tic, sec may tz'i'n eb'. Yuj cha, may junc eb' sati, palta cojn jun satnc xoni, sec tz'el'ch tas tz'ib'b'il can 'a Ch'an̈ U'un̈.

Jn 6:40

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

Jn 18:9

'Ixta x'aji, sec tz'el'ch tas 'ix yal Jesús yuj eb' scuywum, yic yaln 'ixtic: A eb' xac' 'ayn tic, may junc eb' sati, xchi.

Jn 6:54

Yuj cha, tzann̈j eb' 'oj chinc in chib'jal tic, ax yu'n pax eb' in chic'l tic, 'ay sq'uinl eb' 'a jun 'ejmn̈ej. An ton tic, 'oj wac' pitzwc pax chan̈ eb' 'a slajb' c'ual.

Jn 6:44

A 'in Mam checjnacn coti. May junc mach tztac' scomn jaw 'ayin, yic tzchan sq'uinal, toto man̈oc in Mam tz'i'n cot 'ayin. A eb' tzjaw 'ayn cha, 'oj wac' pitzwc pax chan̈ eb' 'a slajb' c'ual.

Jn 6:37

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Mt 18:14

'Ixta pax qui Mam 'ayc' 'a satcha'an̈, matz nib'j 'ay junc tzsat 'a scal eb' 'unn tic.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Jn 5:28

Man̈ eyac' sat e c'ojl yuj jun tzo'n̈ tzwal 'ayx tic. Yujto 'ay jun tiempoal 'oj jawoc, a wal eb' mucb'ilx xo, 'oj yab' eb' in jaj,

A Ch'an̈ B'ab'el Libro Samuel 25:29

Wach'xam 'ay mach tzach pechni mto tznib'n tzach miln chamoc, may 'oj e'ni, a 'a yol sc'ab' Jehová qui Diosalec 'aych 'eq'ui. Ax eb' 'ajc'ojl yajch 'ayach, 'oj a julnc 'el eb' 'icha junc mach tzjul-l junc q'uen yet' mejech'.

Jeremías 23:4

An Jehová in, an tzwala, to 'oj wa'ch yilmal eb', sec wach' man̈x 'oj xiw eb', man̈x 'a pax junc eb' 'oj satoc, xchi Dios.

Mt 10:15

Wal yel tzwal 'ayex, a yic 'oj jawc jun c'u yic sb'eyc'ojlal Dios, yel xo wal niwn syailal eb' 'oj 'ajxc 'a yib'n̈ eb' 'aj Sodoma yet' eb' 'aj Gomorra.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 17:6

A eb' xa sic' 'elt 'a yolyib'n̈q'uinl tic, xa'n eb' 'ayin, xin ch'ox 'a eb' tas yaj a nab'en. A eb' xac' 'ayn cha, toxn ec xon eb'. Tzlaj syiclc eb' a paxti'.

Jn 17:9

Yuj cha, tzin leslwi yuj eb'. Ax eb' yic yolyib'n̈q'uinl tic, matz in leslwi yuj eb'. Cojn eb' xac' 'ayin, an̈j eb' tzin leslwi yu'uj, yujto ec xo eb'.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

1 Co 6:14

Yuj cha, 'icha yutjnac Dios ya'n pitzwc pax Cajlil, 'ixta 'oj on̈ yutquec on̈ ya'nec pax pitzwc yet' spoder jun xo.

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.