Jn 6:26 - Chuj San Sebastian Bible

²⁶ Xta'w Jesús 'a eb' 'ixtic: —Wal yel tzwal 'ayex, yujn̈ej to xb'ut'j e c'ojl wa'n e wa pan, yuj cha, tzin wul e saync pax 'eq'ui, man̈ yujoc xnachj 'el eyu'uj tas tzyal 'el'ch jun tzo'n̈ milagro xin ch'oxo.

Chuj San Mateo Bible

²⁶ Ix yalan d'a eb': —Val yel sval d'ayex, yujn̈ej to ex b'ud'ji e vaan ixim pan, yuj chi' tzin e saya', man̈ yujoc to ix nachajel eyuuj tas syalelc'och juntzan̈ satub'tac ix in ch'ox chi'.

Jn 6:26 Referans Kwoze

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Scarta San Pablo D'a Eb' Aj Filipos 2:21

Yujto junjn eb', cojn yic eb' tzlaj sna'. Matz na xon eb' jac smunljel Cristo Jesús.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

1 Ti 6:5

tz'och eb' 'ajc'ojlal 'a junc xo mach. 'Ixta tzyutj sb'a eb' juwnac 'el snab'en, eb' man̈xtzac ya'ch snab'en 'a jun cuynb'il yel. Tzcob' snanc eb', to 'oj yac' ganar eb' stumn 'a spatc scuynb'il cha. [Caw man̈ junc tzach 'ec' yet' eb'.]

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

Jn 6:2

Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Salmos 78:37

May xon jac 'aj wach' xyutj sb'a eb', man̈ yelc tzyal eb', matz yac' 'el'choc eb' strato yet' Dios.

Jn 6:24

Ax 'ix yiln cot sb'a eb' 'anma cha, man̈x 'ayc 'ec' Jesús chi yet' eb', yet' pax eb' scuywum, man̈x 'ayc 'ec' pax eb'. Yuj cha, 'ix 'och eb' 'anma chi 'a yol jun tzo'n̈ barco cha. 'Ix 'at saync 'ec' eb' 'a chon̈b' Capernaum.

Jn 3:5

—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios.

Jn 3:3

'Ix yaln Jesús 'a win 'ixtic: —Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.

Jn 6:64

Palta 'ay jaywn̈ ex, matz in eya'ch wal 'a e c'ojol, xchi Jesús 'a eb' scuywum cha. 'Ixta xyutj Jesús yaln 'a eb', yujto yictax b'ab'el, yojc xoni mach eb' matz ya'ch sc'ojl 'a 'a. Yojc xon paxi, mach jun 'oj 'a'nc 'och 'a yol sc'ab' chamel.

Jn 6:53

Yuj cha, xyaln pax 'a eb' 'ixtic: —Wal yel tzwal 'ayex, toto ma'oj e chi in chib'jal tic, toto ma'oj eyuc' pax in chic'l tic, to 'ixta', ma'oj stac' e chan pax e q'uinal, yujto an tic, 'Ochnc in 'Anma'il.

Jn 6:47

Wal yel tzwal 'ayex, a mach tzin 'a'n 'och 'a sc'ojol, 'ay sq'uinl 'a jun 'ejmn̈ej.

Jn 6:30

Xlajw yab'n eb' jun cha, 'ix sc'anb'n pax eb' 'ixtc 'a 'a: —¿Tas wal junc milagro tztac' a ch'oxn quil on̈, sec 'oj ca'ch qui c'ojl 'aych on̈? ¿Tom 'ay tas tztac' a b'oni?

Jn 6:15

Palta yojc Jesús to tznib'j eb' syama', tzya'n pural eb' ya'n 'och sreyloc. Yuj cha, 'ix yi'n 'el sb'a 'a scal eb', 'ix 'atx 'a jun tzaln chi sch'ocoj.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 6:36

Palta tox 'ix wal 'ayex, wach'xam tzin eyila, matz eya'ch e c'ojl 'ayin.