Jn 5:7 - Chuj San Sebastian Bible

⁷ —Comnoc wal tztac' Mamin, palta a yic tz'ib'x jun a tic, may mach tzcolwj in ya'n 'ejm jac 'a yojl a'. 'A junjn 'ejem, mun tzcob' wa'lc in 'at 'a yojl a', palta chucx eb' tzb'ab'l 'ejm pax mu'c 'ayin, xchi win 'a Jesús.

Chuj San Mateo Bible

⁷ Ix yalan vin̈ penaay chi': —Mamin, malaj mach tzin ac'anem d'a yol a' tic ayic tz'ib'xi a' d'a juntac el. Ayic tzin nib'ej tzin emi, ch'ocxo eb' sb'ab'laj em d'a vichan̈, xchi vin̈ d'a Jesús.

Jn 5:7 Referans Kwoze

Salmos 72:12

Yujto a 'oj colnc 'el eb' meb'a 'oj yal sb'a 'a 'a, atn eb' may mach tzcoln 'a yol sc'ab' eb' tz'ixtn eb'.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

1 Co 9:24

Q'uinloc 'ay eb' 'aych 'a tajnel ticnec, tzya'n eb' carela. Eyojc xoni, smasnil eb' tzyac' carela. Palta an̈j jun tzb'ab'l c'ochi, an̈j tzchan spac yic cha. Yuj cha, 'icha eb' tz'a'n carela cha, yowlal 'ixta tzcutjec qui b'a 'a yic Cristo, sec 'oj qui chac spac quic junjn on̈ec.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Ro 5:6

A 'a yic yalan̈, toxn matz tac' mun tzon̈ 'ochc wach'l 'a sat Dios, yujto may Dios 'a qui satec. Ax yic xjaw stiempoal, 'ix cham Cristo cujec.

Jn 5:3

Til wal eb' palta yaj 'ayc' 'a yojol. 'Ay eb' matz uj yilni. 'Ay eb' coxo. 'Ay pax eb' sicb'nac 'eli. [To tztan̈wj eb' yib'x jun a cha.

Jn 5:2

A 'a yol jun chon̈b' cha, ata 'ay jun tanque Betesda sb'i 'a hebreo, atn sti eb' israel. A 'a sti jun tanque cha, ata 'ay o'e n̈a may yich. 'Ayc' jun tanque chi 'a sla'nil jun puerta 'aj tzb'ey no calnelu.

Jn 5:4

Yujto 'ay 'aj tzwulc' 'emt jun ángel 'a jun a cha, tzwul ya'n 'ib'xoc a'. An̈j junc tzb'ab'l 'ejm 'a yojl a', an̈j tzb'ox can sc'ojl yuj tzann̈j tas palta yaj 'a 'a.]

Jn 5:6

Ax yic x'ec' Jesús, 'ix yilni c'otn 'ec' winac. Yojc Jesús chajtlto najtl xo tiempo 'ixta yaj winac. Yuj cha, 'ix sc'anb'n 'a win 'ixtic: —¿Tzam a nib'j tzach b'oxi? xchi 'a winac.