Jn 5:44 - Chuj San Sebastian Bible

⁴⁴ Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Chuj San Mateo Bible

⁴⁴ ¿Tas ol aj in eyac'anoch d'a e c'ool, yujto an̈ej d'a eyichan̈ junjun ex e gana ay eyelc'ochi, malaj pax e gana ay eyelc'och d'a yichan̈ Dios te yel?

Jn 5:44 Referans Kwoze

Jn 12:43

'Ixta xyutj sb'a eb', yujto ton̈j tznib'j eb' an̈j 'a sat 'anma 'ay yel'ch eb'. Matz na eb', toto 'ay yel'ch eb' 'a sat Dios.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Ro 2:10

Ax jantcn̈ej eb' wach' tzyutj sb'a, 'oj yac' Dios swach'l 'a eb'. Niwn 'oj 'aj 'el'ch eb' 'a sat. Junc'ojlal xoj 'oj can eb' yet'oc. A eb' wit israelal wach' tzyutj sb'a, yel xo wal 'oj yac' jun tzo'n̈ tic 'a eb', 'oj yac' pax 'a eb' man̈ israeloc.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Lc 19:17

Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

2 Cr 6:8

Palta 'ix yaln Jehová 'ixtc 'a 'a: Caw wach' tas tza na'a, yujto caw tznib'j a c'ojl tza b'o junc watut 'aj tz'och 'emmquilal 'ayin.

Santiago 2:1

Ex wu'tac, ex wanab', toto yel 'aych qui c'ojl 'a Cajlil Jesucristo, atn jun caw niwn yel'chi, yowlal jun lajnn̈ej tzcutjec qui nab'en 'a smasnil 'anma'.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Jn 8:43

¿Tas yuj matz nachj 'el eyu'uj, tas tzwal 'ayex? Tecn to matz yal e c'ojl tze chaj eyab' in paxti tic.

Jn 3:20

Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha.

Jeremías 13:23

A junc q'uic' 'anma', matz tac' sjelmtan sb'a, yic tzjelmj yilx 'ochi. An̈jtona junc no leopardo, matz tac' sjeln 'el no stz'ib'quintaquil. 'Ixta pax ex ax tic, c'aync ex e b'on tu'al, man̈xtzac stac' e b'on wach'il.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.

Jn 5:41

Matz in nib'j to 'ay wel'ch 'a sat eb' 'anma'.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.