Jn 5:41 - Chuj San Sebastian Bible

⁴¹ Matz in nib'j to 'ay wel'ch 'a sat eb' 'anma'.

Chuj San Mateo Bible

⁴¹ Malaj yelc'och d'ayin tato syal vach' lolonel eb' anima vuuj.

Jn 5:41 Referans Kwoze

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.

Jn 8:50

An tic matz in nib'j 'ay wel'chi. Palta 'ay jun tzalni to 'ay wel'ch 'a sat. A jun chi tzb'eyc'ojlani, mach yel tzyala.

Jn 5:34

Palta an tic, matz wa'ch yipc in c'ojol tas tzyal junc 'anma wu'uj. Ton̈j tzwac' e na coti, tas yaljnac Juan 'ayex, sec toq'ue 'oj e colchji.

Jn 8:54

Yuj cha, xyaln pax 'ixtc 'a ewinac: —Toto mun tzwij chan̈ in b'a, may jac wel'chi. Palta a 'in Mam tzalni, to 'ay wel'chi. A 'in Mam cha, a tzeyalch e Diosaloc,

Jn 6:15

Palta yojc Jesús to tznib'j eb' syama', tzya'n pural eb' ya'n 'och sreyloc. Yuj cha, 'ix yi'n 'el sb'a 'a scal eb', 'ix 'atx 'a jun tzaln chi sch'ocoj.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.

Jn 5:40

matz e nib'j tzex jaw 'ayin, yic tze chan e q'uinl cha.

Jn 5:42

Ax xo tic, wojtac tas yaj e nab'en, to may e chamc'ojlal 'a Dios.

Jn 12:43

'Ixta xyutj sb'a eb', yujto ton̈j tznib'j eb' an̈j 'a sat 'anma 'ay yel'ch eb'. Matz na eb', toto 'ay yel'ch eb' 'a sat Dios.