Jn 5:39 - Chuj San Sebastian Bible

³⁹ Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

Chuj San Mateo Bible

³⁹ A ex tic scham val e sayan eyil d'a Slolonel Dios Tz'ib'ab'ilcani, yujto a e naani to icha chi' ol aj yilchaj e q'uinal d'a juneln̈ej. Palta vach'chom syal vab'ixal Slolonel Dios chi',

Jn 5:39 Referans Kwoze

Lc 24:27

Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

A Tas Sc'ulejnac Eb' Schecab' Jesús Hechos 17:11

A eb' israel 'aj Berea cha, yel xo wach' snab'en eb' 'a yib'n̈ eb' 'aj Tesalónica, yujto xcham wal yab'n eb' spaxti Dios. Ax 'a junjn c'u, scuy eb' Ch'an̈ Un̈ 'aj tz'ib'b'il can spaxti Dios cha, yic tzyiln eb', toto yel tzyal Pablo yet' Silas cha.

Mt 22:29

Yuj cha, xyaln pax Jesús 'ixtc 'a ewin saduceo cha: —Ton̈j tzex somchji, yujto man̈ eyojcoc tas tzyal 'a Ch'an̈ U'un̈. Man̈ eyojcoc paxi jantc spoder Dios.

Is 34:16

Sayc eyil 'a ch'an̈ libro yic Jehová, 'awtjec ch'an̈ 'aj tzyal 'ixtic: A smasnil no noc' tzb'inax tic, may junc no man̈ 'ayc 'ec' ta', may junc no to may no snun 'ayc' yet'oc, yujto a Jehová 'ix nani, to 'ixta 'oj 'aj smolb'tzan sb'a e no yuj Yespíritu Dios.

A Tas Sc'ulejnac Eb' Schecab' Jesús Hechos 13:27

Palta a eb' 'aj Jerusalén, yet' eb' syajlil eb', ma'ix nachj 'el yuj eb', chajtlto a Jesús atn Cristo. Junjn sc'ul 'iljelal, 'ix yab'n eb' yawtx tas tz'ib'b'il can yuj eb' schecb' Dios, palta ma'ix nachj 'el yuj eb'. Yuj cha, a yic xya'n 'och eb' chaml 'a yib'n̈ Jesús, 'ix ya'n eb' 'el'choc jun tzo'n̈ tas tz'ib'b'il can cha.

Jn 5:46

Octom xeya'ch e c'ojl 'a tas stz'ib'jnac can Moisés cha. Toto 'ixta', xeya'ch e c'ojl 'ayin, yujto a tz'ib'jnac can wab'xil.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Mr 12:10

¿Tom mant 'a 'aj xeyil 'a Ch'an̈ U'un̈, 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

Ro 1:2

A 'a pecti', ya'jnac can Dios sti yuj jun wach' 'ab'x tic. A eb' schecab', a eb' tz'ib'jnac can 'a Ch'an̈ Un̈ yic xon Dios yaji.

A Tas Sc'ulejnac Eb' Schecab' Jesús Hechos 26:27

Ach xo ach rey Agripa, ¿tzam a'ch 'a a c'ojol, tas yaljnac can eb' schecb' Dios pecti'? Wojtac, to tza'ch 'a a c'ojol, xchi Pablo.

Jn 7:52

Yuj cha, xyaln pax ewin 'ixtc 'a 'a: —¿Tom 'aj Galilea ach yet' winac? Cuy Ch'an̈ Un̈ tz'ib'b'il cani. Atta 'oj ela', to may xon junc schecb' Dios tz'alj 'a Galilea cha, xchi ewin 'a 'a.

Jn 5:32

Palta 'ay junx tzalni tas wopiso. A jun cha, wojtac to caw yel tzyal wu'uj.

Salmos 36:9

Yujto a 'aych tzcot qui q'uinl on̈, 'icha sjaj junc a a', yujn̈ej a sacq'uinlal 'ay qui q'uinl on̈.

Dt 18:18

'Oj in sic' 'elt junc xo in checb' 'a scal eb' 'icha ach tic, junc mach to yit chon̈b' eb', sec a tas 'oj wal 'a 'a, a chi 'oj yalx 'a eb'.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Salmos 119:11

Tzin mol a paxti 'a in nab'en, sec matz 'och in mul 'ayach.

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Josué 1:8

May cab' b'a'n̈ tzcan awtn ch'an̈ un̈ 'aj tz'ib'b'il can ley, sc'ual, yac'wlil a cuyn ch'an̈, sec wach' 'oj a yiclc tas tz'ib'b'il can 'a ch'an̈. Toto 'oj a yicloc, wach' 'oj 'el'choc smasnil tas 'oj a b'o'.

Dt 32:47

Man̈ comn paxti'oc jun tzo'n̈ tic, palta a jun ley tic, to 'ay e q'uinl yu'uj. Toto tzeyiclj smasnil, toto 'ixta', caw najtl 'oj eyec' 'a sat lum lum 'ay 'a sc'axpil 'ec' a Jordán cha, lum 'oj 'ajxoc eyico'oc, xchi.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Lc 16:29

Palta a eb' cha, 'ayc' xon tas stz'ib'jnac can Moisés, yet' tas stzib'jnac eb' schecb' Dios 'a eb'. Ya' cab' 'och eb' schicn 'a jun tzo'n̈ cha, xchi Abraham 'a winac.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Salmos 21:4

'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.

Salmos 1:2

A yic eb', to tzchamc'ojlej eb' sley Jehová, nab'iln̈ej yuj eb' 'a sc'ual, yac'wlil.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

A Ch'an̈ Carta D'a Eb' Hebreo 11:35

'Ay eb' 'ix 'ix chamnc yune', palta pitzwnac pax yune eb' 'ix, schajnac pax eb' 'ix yune cha. 'Ay jun tzo'n̈ xo eb' chamnc yuj jun tzo'n̈ yailal 'ajxnac 'och 'a yib'an̈. Ma'ix chaj eb' colchjoc sb'a, sec wach' 'oj yac' ganar eb' spitzw paxi, ax schan eb' junx sq'uinl caw wach'.

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Jn 5:40

matz e nib'j tzex jaw 'ayin, yic tze chan e q'uinl cha.

Mr 10:3

Yuj cha, xyaln 'a ewin 'ixtic: —¿Tas xchi can schecnb'il Moisés 'a Ch'an̈ U'un̈? xchi.