Jn 5:37 - Chuj San Sebastian Bible

³⁷ A 'in Mam cha, a checjnacn coti, a tzyac' testigoal sb'a wu'uj. Ax tic, may jun 'ejmoc xeyab' sjaj spaxtini. May 'aj xeyil jun 'ejmoc.

Chuj San Mateo Bible

³⁷ A in Mam chi', a checjinac in coti, a syac' testigoal sb'a vuuj. A ex tic, malaj b'aj ix eyab' sjaj sloloni. Malaj b'aj ix eyil juneloc.

Jn 5:37 Referans Kwoze

Jn 8:18

Palta 'in 'ay chawn̈ testigo tzaln wu'uj. An ton tic testigo 'in, testigo pax in Mam wet'oc, yujto a checjnacn coti, xchi 'a ewinac.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

Jn 14:9

Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Dt 4:12

Axta 'ix paxtin 'elt Jehová 'ayn̈ec 'a scal jun c'ac' cha. 'Ix cab'c spaxtini, xcab'nec yol sjaj, palta ma'ix quilc xon jab'oc.

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Is 26:10

Wach'xam tz'o'ch a c'ojl 'a eb' maysch'olnil sb'eyb'al, palta matz yiclj eb' sb'on tojlal. Wach'xam a 'a scal eb' wach' snab'en cajn 'ec' eb', palta an̈ja sb'on eb' maysch'olnil cha. Toc 'ay el'ch yet' opiso chi 'a sat eb'.

Mr 1:11

Xlajw cha, 'ix 'ab'x yalx 'emt jun paxti 'a satcha'an̈, 'ix yaln 'ixtic: Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Lc 3:22

'Ix 'eml Yespíritu Dios 'a yib'n̈ 'icha yilx no parama, caw checl 'ix 'emli. 'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Lc 24:27

Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Jn 5:32

Palta 'ay junx tzalni tas wopiso. A jun cha, wojtac to caw yel tzyal wu'uj.

1 Jn 5:9

'In tzqui chajec cab' tas tzyal eb' 'anma 'a yolyib'n̈q'uinl tic. Palta a tas tzyal Dios, yel xo wal niwn yel'chi. Yujto a 'ix alni, to Yunnal yaj Jesucristo.