Jn 5:10 - Chuj San Sebastian Bible

¹⁰ Yuj cha, 'ay jaywn̈ ewin 'aj Judea xaln 'ixtc 'a win xb'ox cha: —A ticnec, caw sc'ul 'iljelal. Caw may sleyl tza cuchb't a waynub' tic, xchi ewin 'a winac.

Chuj San Mateo Bible

¹⁰ Yuj chi' ay jayvan̈ eb' aj Judea ix alan d'a vin̈: —A ticnaic, sc'ual ic'oj ip. Man̈ sleyaloc tzic'chaan̈ a vaynub' tic, xchi eb' d'a vin̈.

Jn 5:10 Referans Kwoze

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.

Lc 6:2

Palta 'ay jun tzo'n̈ ewin fariseo 'ix aln 'a eb' 'ixtic: —¿Tas yuj wan e munlj 'ixtc 'a sc'ul 'iljelal tic? 'In may sleyl tze b'o 'ixtic, xchi ewin 'a eb'.

Jeremías 17:21

A 'a yic sc'ul 'iljelal, man̈ e cuch eyicatz, caw man̈ eyic' 'oxt 'a spuertail Jerusalén tic, sec matz jaw yailal 'a eyib'n̈ yuj jun tzo'n̈ cha.

Lc 13:14

Ax win yajl yaj 'a jun n̈a cha, xcot yowl winac, yujto a 'a sc'ul 'iljelal xb'ox sc'ojl 'ix yuj Jesús. Yuj cha, xyaln win 'ixtc 'a eb' 'anma chi 'ayc' ta': —Waquen̈ej c'u smoj tzon̈ munljec 'a yol seman. A 'a waque c'u cha, tzann̈j c'ul 'aj tzex jaw wul eyac' b'oxc e c'ojol, palta man̈ smojc tz'ajx b'oxc e c'ojl 'a sc'ul 'iljelal tic, xchi win 'a eb'.

Mr 3:4

Xlajw cha, xyaln 'a eb' 'anma chi 'ixtic: —¿'Aja junc 'ay sleyl tzqui b'oc 'a sc'ul 'iljelal tze na'a? ¿Tztac' am qui b'onec jun tzo'n̈ tas wach', mto a jun tzo'n̈ maysch'olnil? ¿Tztac' am ca'nec b'oxc sc'ojl junc ya'ay, mto tzqui wach' miljec chamoc? xchi. Palta ton̈j sictac x'aj eb' 'anma cha.

Mr 2:24

Yuj cha, ax ewin fariseo 'ix aln 'a Jesús 'ixtic. —'Ilto, ¿tas yuj wan smunlj eb' a cuywum 'a sc'ul 'iljelal tic? 'In may sleyl tzb'o eb' 'ixta', xchi ewinac.

Jn 5:16

Yuj cha, caw x'och ewin 'ajc'ojlal 'a Jesús cha. ['Ix cob' snib'c ewin smil chamoc,] yujto sc'ul 'iljelal 'ix sb'o jun tzo'n̈ cha.

Jn 7:23

Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?

Lc 23:56

Xlajw cha, xpax eb' 'a yatut. X'at sb'onc eb' jun tzo'n̈ yal su'q'ui sjab', yet' jun tzo'n̈ wach' tzsucx 'och 'a sniwnal Jesús cha. Ax yic xc'och yorail sc'ul 'iljelal, 'ix 'ilj eb' 'icha tzyal jun checnb'il cha.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Mt 12:10

Ata 'ayc' jun winc sicb'nac 'el sc'ab', jun 'ejmn̈ej caw tacn̈ cotnac. Ax eb' fariseo cha, tznib'j eb' 'ay junc smul Jesús tz'ilchj yu'uj, sec tzyac' queja eb'. Yuj cha, stz'acn eb' sc'anb'c 'ixtc 'a 'a: —¿'Aym sleyl tzcac' b'oxc junc ya'ay 'a sc'ul 'iljelal, mto ma'ay? xchi eb' 'a 'a.

Jn 1:19

A jun 'el, 'ay jun tzo'n̈ eb' israel 'aj Jerusalén, 'ix checn 'at jaywn̈ eb' ya'mal 'och sti eb' 'anma 'a Dios, yet' jaywn̈ eb' yin̈tl Leví. A 'a Juan Bautista, ata xc'och eb'. 'Ix sc'anb'n eb' 'ixtc 'a 'a: —¿Mach ach? xchi eb'.

Jn 5:11

—A jun in 'a'n b'oxoc, a 'ix aln 'ayn 'ixtic: 'Ij chan̈ a waynub', b'eyan̈, xchi 'ayin, xchi winac.

Jn 5:15

Yuj cha, 'ix 'atx win 'at yal 'a ewin 'aj Judea cha, chajtlto a Jesús chi x'a'n b'oxc winac.