Jn 4:3 - Chuj San Sebastian Bible

³ Yic 'ix yab'n Jesús to yojc eb' fariseo jun cha, 'ix meltzj 'a Judea, 'ix 'atx 'a Galilea.

Chuj San Mateo Bible

³ Ayic ix yab'an Jesús to yojtac jun chi' eb' fariseo chi', ix el d'a yol yic Judea, ix b'atxi d'a Galilea.

Jn 4:3 Referans Kwoze

Mt 10:23

A yic tzya'n eb' stul 'ayx 'a junc chon̈b' 'aj 'ayx 'eq'ui, tzex 'at 'elc 'a junc xo chon̈ab'. Wal yel tzwal 'ayex, a yic mantzac ex lajw 'ec' 'a smasnil jun tzo'n̈ schon̈b' eb' quit israelal, ax in japx an 'Ochnc in 'Anmal tic.

Jn 11:54

Yuj cha, man̈xtzac 'ec' Jesús 'a scal eb' 'aj Judea cha. 'Ix yi'n 'el sb'a 'a jun lugar cha. 'Ix 'at 'a jun chon̈b' Efraín sb'i 'ay 'a sti lum cusltac lu'um. Ata x'och wan yet' eb' scuywum cha.

Jn 10:40

Xlajw cha, xc'axw can pax 'ec' 'a a niwn a Jordán. Ata x'och wan 'a 'aj ya'jnac bautisar Juan eb' 'anma'.

Jn 3:22

Xlajw cha, x'at Jesús yet' eb' scuywum 'a yol yic Judea. Ata 'ix 'och wan jaye c'u yet' eb'. Ax eb' scuywum chi x'a'n bautisar eb' 'anma ta'.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 1:43

Ax 'a junx c'u, 'ix 'at Jesús 'a Galilea. Yic wan sb'eyi, 'ix chan sb'a yet' Felipe, xyaln Jesús 'a 'ixtic: —'Ochn̈ in cuywumoc, xchi 'a 'a.

Mr 3:7

Ax Jesús 'ix c'och 'a sti a mar yic Galilea yet' eb' scuywum. Til wal eb' 'anma xc'och 'a 'a. 'Ay eb' xcot 'a yol yic Galilea,

Jn 3:32

A tas yab'jnac, yet' tas yiljnac, a tzyala, palta may wal mach tzchan 'ab'nc 'a 'a.

Lc 17:11

Ax Jesús, an̈ja sb'eyb't 'a jun b'e tz'at 'a Jerusalén. 'Ix b'ey 'a smon̈jon Samaria yet' Galilea.

Jn 4:47

'Ix yab'n winac, to 'ix cotx Jesús 'a Judea, 'ix c'ochx 'a Galilea cha. Yuj cha, x'at sc'umnoc winac. 'Ix tew 'och wal win 'a 'a, sec toq'ue tz'at Jesús yet' win 'a yatut, tz'at ya'n b'oxc sc'ojl jun yunnal win cha, yujto caw jab'xoj schami.

Jn 7:1

Xlajw cha, 'ix b'eyc' Jesús 'a yol yic Galilea. Ax 'a yol yic Judea, ma'ix snib'j 'ec' sb'a ta', yujto a ewin 'aj Judea cha, tznib'j ewin smil chamoc.