Biblia Todo Logo
Bib sou entènèt

- Piblisite -




Jn 3:29 - Chuj San Sebastian Bible

29 Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

Gade chapit la Kopi

Chuj San Mateo Bible

29 Q'uinaloc ay junoc nupnajel tz'och ticnaic, a vin̈ van snupnaj chi', a vin̈ tz'ic'an ix ix chi'. A jun yamigo vin̈ snupnaj chi', ayic syab'an yavaj vin̈ snupnaj chi', ste tzalaji. Icha chi' in tzalaj ticnaic, yujto van yoch eb' anima sc'ayb'umoc Jesús.

Gade chapit la Kopi




Jn 3:29
27 Referans Kwoze  

Ach chon̈b' Israel, 'icha to 'oj ach wistzilc 'a jun 'ejmn̈ej yet' 'a stojlal, 'a 'icha wal sleyal, yujto 'oj ach in ya'iloc, ax ach in chamc'ojlani.


Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.


In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.


A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.


Ax eb' ángel yucwn̈il, atn eb' 'aj 'ay uque vaso yailal yic slajub', 'ay jun 'ix aln 'ixtc 'ayin: —Cotan̈, a 'aych 'oj in ch'ox jun 'ix 'oj nupnoc. Atn jun 'oj 'och yistloc jun tzcuch Calnelu, xchi.


Yuj wal jun tzo'n̈ tic, caw junxn̈ej tzeyutj e nab'en ta'. Junxn̈ej tzlaj eyutc e chamc'ojlan e b'a. Junxn̈ej tzlaj eyutc e nan pax smasnil tas. Junc'ojlaln̈ej tzeyutj e b'a. Toto 'ixta tzeyutj e b'a ta', 'oj wach' jawc in tzaljc'ojlal eyuj 'a tic.


Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.


Yuj cha, tzqui tz'ib'n 'at jun tzo'n̈ tic 'ayx on̈, sec 'oj wach' tz'acwc e tzaljc'ojlal quet' on̈.


Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.


Ax yic tzc'ochx 'a yatut, tzyawtn cot eb' swach'c'ojol yet' eb' 'ay 'a stz'ey, tzyaln 'a eb' 'ixtic: Tzaljan̈c wet'oc, yujto 'ay jun in calnelu sati, al ticnec, x'ilchj pax no wu'uj, xchi 'a eb'.


Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.


'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.


'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.


Yujto lajn 'icha junc 'ix nunb'il tzmontj yune'; a tzex montni, tzya'n sniwnal e c'ojol, masnto tzjawcn e tzaljc'ojlal yu'uj.


Ex 'ix 'aj Jerusalén, 'eln̈ect eyil sjaw rey Salomón. 'Ay q'ue scorona 'a sjolom, atn jun 'ac'b'il q'ue 'a sjolm yuj snun, jun 'oj sc'ana', yic 'oj 'och 'a nupnel. A 'a jun c'u cha, til wal tzaljc'ojlal 'oj 'och ta', xchi eb' 'anma'.


Til to wal jun tzo'n̈ xo tas tzin nib'j tzwal 'ayex, palta matz in tz'ib'j 'at 'a jun in carta tic. Yujto tzin na'a, toq'ue 'oj stac' in 'at ex wila'. Atta 'oj in wach' alc can jun tzo'n̈ xo tas 'ayex, sec 'oj wach' jawc qui tzaljc'ojlalec ta'.


'Oj in paxx 'ayach. Palta ya' sb'a 'aynto 'ec' jacx 'a yolyib'n̈q'uinl tic, tzwaln can jun tzo'n̈ tic, sec wach', 'icha tzin tzalj tic, 'ixta 'oj tzaljc pax eb'.


'Oj wal 'ayex, chajtl tz'aj eb' 'anma yoch 'a yol sc'ab' jun 'aj satcha'an̈. 'Ay jun rey xya'ch sq'uin̈ jun yunnal yic tznupni.


A Jesús cha, yowlal yel xo 'oj niwtjoc chan̈ yopiso. An xo tic, c'ojnc'ojnil 'oj sat 'ejm wopiso, xchi Juan 'a eb' scuywum cha.


Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.


Swiv nou:

Piblisite


Piblisite