Jn 3:11 - Chuj San Sebastian Bible

¹¹ Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈.

Chuj San Mateo Bible

¹¹ Val yel sval d'ayach, a tas cojtac, a scala'. A tas squila', a scala'. Palta max e cha eyab' tas sval d'ayex.

Jn 3:11 Referans Kwoze

Jn 8:38

A tas wiljnac yet' in Mam, a tzwal 'ayex. Ax xo tic, chuc jun e mam wan e b'on tas tzyal 'ayex, xchi Jesús 'a eb'.

Jn 14:24

Ax eb' matz in chamc'ojlani, matz yiclj xon eb' tas tzwala. A jun tzo'n̈ paxti tzwal 'ayx tic, man̈ wico'oc, yic qui Mam Dios, atn jun checjnacn coti.

Jn 12:49

Yujto man̈ munoc tzin paxtin in ch'ocj 'a yol wico'. A 'in Mam checjnacn coti, a aljnac schecnb'il 'ayin tas tzwul wala'.

Jn 8:14

Yuj cha, xyaln pax 'ixtc 'a ewinac: —Wach'xam mun tzwala to 'ay wopiso, palta caw yel tzwala. Yujto an tic, caw wojtac 'aj cotnc in. Anjtona', wojtac 'aj 'oj in c'ochxi. Ax xo tic, man̈ eyojcoc 'aj cotnc in, yet' 'a 'aj 'oj in c'ochxi.

Jn 7:16

Yuj cha, xyaln 'a eb' 'ixtic: —A jun tzo'n̈ cuynb'il tzwal 'ayx tic, man̈ wico'oc. Yic jun mach checjnacn coti.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Is 65:2

An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Jn 1:11

A 'a scal eb' yico', ata wulnc 'eq'ui, palta toxn man̈ chab'ilc yuj eb'.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Is 53:1

¿Toc 'ay mach xchan 'ab'nc tas 'ix calc 'eli? ¿Tom 'ay mach x'ojcan 'el spoder Jehová ch'oxb'il yu'uj?

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

A Tas Sc'ulejnac Eb' Schecab' Jesús Hechos 22:18

'Ix wiln Cajlilec, 'ix yaln 'ayn 'ixtic: Caw tza c'ol ep el 'a Jerusalén tic, yujto toxn ma'oj scha eb' yab' jun wab'xil 'oj ala', xchi.

Jn 5:43

An tic, checb'iln cot yuj in Mam, palta 'in matz eya'ch e c'ojl 'ayin. Toto 'ay junc xo mach mun 'oj jawc 'a yol yico', atn 'a jun chi 'oj eya'ch e c'ojol.

Jn 3:13

May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in.

Jn 3:5

—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios.

Jn 3:3

'Ix yaln Jesús 'a win 'ixtic: —Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Is 55:4

An wa'jnac 'och David chi testigoal 'a sat jun tzo'n̈ nacion̈, yic tzjucb'tzani mto yic tzya'n yajlil 'a jun tzo'n̈ xo chon̈ab'.

Apoc 3:14

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Laodicea: 'Ay jun caw yel. Caw wach' tzyutj ya'n testigoal sb'a, yujto cojxn yel tzyala. An̈j b'ojnac smasnil tas yet' Dios. A tzaln 'ayx 'ixtic:

Jn 3:12

Toto matz e chaj eyab' tas tzwal 'ayx yuj tastc 'ay 'a yolyib'n̈q'uinl tic, ¿tom 'oj e cha pax eyab'i', toto tzwal 'ayx yuj tastc 'ay 'a satcha'an̈?

Jn 8:26

Til to wal tastc 'oj wal eyu'uj, yic 'oj ex in b'eyc'ojloc. A jun checjnacn coti, caw yel tzyala. A tas yaljnac 'ayin, an̈j tzwal 'a eb' 'anma 'a yolyib'n̈q'uinl tic, xchi 'a ewinac.