Jn 21:17 - Chuj San Sebastian Bible

¹⁷ 'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Chuj San Mateo Bible

¹⁷ Ix yalanxi d'a yoxelal: —Ach Simón yuninal vin̈aj Jonás, ¿tzam in a xajanej? xchi d'a vin̈. Yuj chi' ix te cusq'ue vin̈aj Pedro chi', yujto yoxelalxo sc'anb'an Jesús chi' d'a vin̈ tato xajan yuj vin̈. Yuj chi' ix yalanxi vin̈: —Mamin, ojtacxo smasanil, ojtac to xajan ach vuuj, xchi vin̈ d'ay. —Tato icha chi', icha junoc tan̈vum calnel syac' va noc' scalnel, icha chi' tzutej a c'ayb'an eb' vicxo.

Jn 21:17 Referans Kwoze

Jn 13:38

—'A... ¿tom yel lista aj a'n cham a b'a wu'uj? Wal yel tzwal 'ayach, a yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a.

Mr 14:72

Yajn̈j wal cha, 'ix 'o'x no 'ajtzo 'a scha'ejmal. Yuj cha, snan cot tas 'ix yal Jesús 'a 'a, yic yaln can 'ixtic: Yic mantzac 'oc' no 'ajtzo 'a scha'ejmal, 'ox 'ejm 'oj e'l 'a eb'an̈ chajtlto man̈ in ojcoc, xchi Jesús 'a 'a, ax yic 'ix snan cot Pedro jun cha, caw wal x'oc' si'mb'il.

Jn 16:30

A ticnec, cojc on̈ to ojcn̈ej smasnil tas. Man̈ yowlalc tzat qui c'anb'j 'aych on̈, ax aln 'ayn̈ on̈. Yuj cha, tzca'ch 'a qui c'ojl on̈, to a 'a Dios cotnc ach, xchi eb' 'a 'a.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

A Tas Sc'ulejnac Eb' Schecab' Jesús Hechos 15:8

A Dios yojtac, tas 'ay 'a snab'en junjn mach. Yuj cha, 'ix yac' Yespíritu 'a eb' man̈ israeloc cha, 'icha xyutj ya'n 'ayn̈ec. 'Ixta xyutj sch'oxni, to wach' eb' 'a sat.

Jn 15:10

Toto tzeyiclj jun tzo'n̈ in checnb'il, 'oj e cann̈j 'a in chamc'ojlal tic. Yujto 'ixta waj yet' in Mam, tzin yiclj jun tzo'n̈ schecnb'il. Yuj cha, tzin cann̈j 'a schamc'ojlal.

Jn 14:15

Toto tzin e chamc'ojlej, yicljec jun tzo'n̈ in checnb'il.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

A Schab'il Carta San Pedro 3:1

Ex chamc'ojlb'il wu'uj, a jun in carta tic, schab'l xo junx tic tzin tz'ib'j 'at 'ayex. Tic an̈ja tzwac' e na paxt jun tzo'n̈ cuynb'il eyojc xoni, sec 'oj wach' b'o wal e nab'en si'mb'il.

A Sb'ab'el Carta San Pedro 1:6

Yuj cha, caw niwn qui tzaljc'ojlalec. Wach'xam tzcab'c syal jun tzo'n̈ prowal junc tiempoal, palta caw tzon̈ tzaljec.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

A Tas Sc'ulejnac Eb' Schecab' Jesús Hechos 1:24

Xlajw cha, 'ix leslwi eb' smasnil. 'Ix yaln eb' 'ixtic: —Mamin, ojc tas yaj qui nab'en qui masnil on̈. Yuj cha, ch'ox 'ayn̈ on̈, mach junc tza si'l 'a eb' chawn̈ tic,

Jn 18:27

Palta ax Pedro cha, 'ix yij pax 'el 'a yib'n̈ jun 'ejm xo. Xlajwn̈ej yaln jun cha, 'ix 'oc' jun no 'ajtzo'.

Jn 18:4

Ax Jesús, yojc xoni jantc tas 'oj jawc 'a yib'an̈. Yuj cha, 'ix yi'n 'el'ch sb'a, 'ix sc'anb'n 'ixtc 'a eb' xc'och cha: —¿Mach tze sayc' jun? xchi 'a eb'.

Jn 12:8

A eb' meb'a' 'ayc'n̈ej eb' eyet'oc. An xo tic, man̈toc 'aynn̈ej 'ec' eyet'oc, xchi 'a winac.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Lm 3:33

Wal yel, matz nib'j to tzon̈ ya'c 'och 'a cusc'ojlal mto 'a yailal.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

A Ch'an̈ Schab'l Libro Samuel 7:20

Man̈x 'a tas tztac' waln 'aych Mamin Jehová Wajlil, yujto ach tic, ojtac tas 'ayc' 'a in nab'en an a checb' in tic.

Jn 21:18

Wal yel tzwal 'ayach, a 'a yic quelm ach to, mun a pichjnac a b'a. C'uxn 'e'nc ach 'a 'aj tza nib'ej. Palta ax yic 'oj echmaxi, 'oj a jen̈l a c'ab'. Chucx mach 'oj jalnc a nan̈al. Ax ach yi'n 'at 'a 'aj matz a nib'j 'at a b'a, xchi Jesús 'a 'a.

1 Cr 17:18

¿Tas to tztac' waln 'aych yuj jun 'opiso tzac' 'ayn an a checb' in tic? Ach tic, caw ojtac to a checb' in.

Jn 4:16

—'Ixic, 'at 'ij cot win echmil, tzex jaw 'a tic, xchi Jesús 'a 'ix.

A Tas Sc'ulejnac Eb' Schecab' Jesús Hechos 11:10

'Ox 'ejm 'ix yal jun tzo'n̈ chi 'ixta'. Xlajw cha, 'ix 'ijx pax q'ue jun sac nip chi 'a satcha'an̈.