Jn 21:16 - Chuj San Sebastian Bible

¹⁶ Xlajwn̈ej yaln jun tzo'n̈ tic, 'ix yaln jun 'ejm xo 'ixtic: —Simón, ach yunnal Juan, ¿tzam in a chamc'ojlej? xchi 'a 'a. —N', Mamin. Caw ojc xoni, tzach in chamc'ojlej, xchi pax Pedro chi 'a 'a. —Toto 'ixta', 'icha junc 'ilm calnelu, 'ixta tzotj a tan̈wni eb' wic xo, xchi Jesús 'a 'a.

Chuj San Mateo Bible

¹⁶ Ix lajvin̈ej yalan juntzan̈ chi', ix yalanxi: —Ach Simón yuninal vin̈aj Jonás, ¿tzam in a xajanej? xchi d'a vin̈. —Yel ton Mamin. Ojtacxo to tzach in xajanej, xchixi vin̈. —Tato icha chi', icha junoc tan̈vum calnel stan̈van noc' scalnel, icha chi' tzutej a tan̈van eb' vicxo, xchi Jesús chi' d'a vin̈.

Jn 21:16 Referans Kwoze

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Sb'ab'el Carta San Pedro 5:2

'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.

A Sb'ab'el Carta San Pedro 2:25

A 'a yic yalan̈, lajn on̈c 'icha jun tzo'n̈ calnelu pucnc can 'ati. Palta ax ticnec, on̈ meltzjec cot 'a Quilmalec, atn jun tzon̈ tan̈wniec.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 95:7

Qui Diosalec yaji, an̈ec xo tic schon̈b' on̈ec. Yuj cha, 'icha to scalnelu cajec, tan̈b'iln̈ec yu'uj. Tzyal Dios 'ixtic: A ticnec toto tzeyab' tas tzwala,

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Jn 18:25

Ax Pedro, an̈ja lin̈n 'och c'achnoc yet' ewin policía chi 'a sti c'ac'. Yuj cha, 'ix yaln ewin 'ixtc 'a 'a: —Ach tic, tecn scuywum ach Jesús, xchi ewinac. Ax Pedro, 'ix yij 'el 'a yib'an̈. 'Ix yaln 'ixtic: —Ma'ay, man̈ ino'oc, xchi cob'i'.

Jn 18:17

Ax 'ix stan̈mal sti n̈a cha, 'ix yaln 'ix 'a 'ixtic: —Ach tic, tecn scuywum ach win xyamchj tic, schi 'ix 'a Pedro cha. —Ma'ay, man̈ ino'oc, xchi cob' 'a 'ix.

Lc 19:10

An 'Ochnc in 'Anmal tic, in jaw wul in sayc' eb' satncto, yic tzin coln can 'el eb', xchi Jesús.

Mt 26:72

Palta 'ix yij pax 'el 'a yib'n̈ jun 'ejm xo, 'ix slocn sb'i Dios. —Caw man̈ wojcoc jun winc cha, xchi 'a eb'.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.