Jn 20:19 - Chuj San Sebastian Bible

¹⁹ An̈ja 'a jun domingo chi 'a sq'uic'b'alil, 'ix syam sb'a eb' scuywum Jesús. Caw sin̈n̈i xyutj eb' sch'apn jun n̈a cha, yujto tzxiw eb' 'a ewin 'aj Judea cha. Ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi 'a eb'.

Chuj San Mateo Bible

¹⁹ An̈eja' d'a jun domingo chi' d'a q'uic'b'alil, ix smolb'ej sb'a eb' sc'ayb'um Jesús chi'. N̈ab'ab'i ix aj spuertail jun pat chi', yujto xiv eb' d'a eb' vin̈ aj Judea. Axo ix yilan eb' ayxoec' Jesús d'a scal eb', ix yalan d'a eb': —Junc'olalocab' eyaji, xchi d'a eb'.

Jn 20:19 Referans Kwoze

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Jn 20:21

'Ix yaln pax jun 'ejm xo 'ixtc 'a eb': —Junc'ojlal cab' eyaji. 'Icha in yutj qui Mam Dios in schecn coti, 'ixta tzex wutj ex in checn can 'ati, xchi 'a eb'.

Ef 2:14

Cojn Cristo 'a'm junc'ojlal 'ayn̈ec. Ax xo, caw 'ay 'ajc'ojlal 'a e cal yet' eb' wit israelal 'a yic yalan̈. Palta a Cristo x'a'n lajwc jun owl cha. Yuj cha, a 'a sat Dios, junxn̈ej chon̈b'al eyaj quet' ticnec on̈.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

Jn 7:13

Palta c'ultac tzlaj yal eb' yu'uj. May junc eb' 'ip yaln 'a scal eb', yujto tzxiw eb' yab'n ewin 'aj Judea cha.

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

1 Co 15:5

A 'a Pedro 'ix sch'ox sb'a. 'Ixta to b'i'an sch'oxn pax sb'a 'a jun tzo'n̈ xo eb' schecab'.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Ch'an̈ Carta D'a Eb' Hebreo 7:2

Ax Abraham cha, jantcn̈ej tas xit' yac' ganar 'a jun owl cha, c'uxn xya'cn sdiesmoal 'a winac. A Melquisedec, tzyal 'el'chi, rey caw tojol. An̈jtona', sreyl pax chon̈b' Salem. A Salem, tzyal 'el'chi, junc'ojlal. Yuj cha, tzcuchn pax win Melquisedec cha, rey yic junc'ojlal.

A Scarta San Pablo D'a Eb' Aj Filipos 1:2

Tzqui nib'j on̈, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Ef 6:23

Ex wu'tac, ex wanab', ya' cab' qui Mam Dios yet' Cajlil Jesucristo, sjunc'ojlal yet' schamc'ojlal 'ayex. Tzin nib'j tzyac' pax e wach' 'a'c 'och e c'ojl 'a 'a.

Ro 15:33

A Dios 'a'm junc'ojlal, tzin nib'ej a tz'och eyet' e masnil ta'. 'Ixta cab' tz'aji.

Jn 16:22

'Icha junc 'ix cha, 'ixta 'oj eyaji. 'Oj e cus ton ticnec. Palta at yic 'oj in eyilnc pax jun 'ejm xo, caw 'oj e tzalj paxi. Ax jun e tzaljc'ojlal cha, may mach 'oj stac' yi'n 'ec' 'ayex.

Mt 18:20

Yujto tzann̈j 'aj 'ay chawn̈oc mto 'oxwn̈oc mach tzyam sb'a, yic tzyaln sb'a eb' 'ayin, 'ayn 'ec' yet' eb', xchi Jesús.

Mt 10:13

Toto smoj eb' 'ixta', 'el'ch cab' 'icha 'oj eyal 'a eb'. Palta toto man̈ smojc eb' 'ixta', matz 'el'ch cab' 'icha 'oj eyal 'a eb' cha.

Salmos 122:8

Yuj eb' wit chon̈ab' yet' eb' in wach'c'ojol, yuj cha, ax waln 'ixtic: 'Ay cab' junc'ojlal 'a jun chon̈b' tic, xin chi.

Jn 21:1

Ax 'a jun 'ejm xo, 'ix sch'oxn pax sb'a Jesús 'a eb' scuywum, yic 'ayc' eb' 'a sti a mar yic Tiberias. 'Ixtc 'ix yutj sch'oxn sb'a 'a eb'.

Jn 21:14

A Jesús cha, yoxlal xo sch'oxn sb'a 'a eb' scuywum cha, yic 'ix pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 1:3

Yic tox 'ix chami, niwn 'ejm to sch'ox sb'a 'a eb' schecb' cha. Chawinc to c'u 'ix sch'ox sb'a 'a eb', chajtlto caw yel 'ix pitzw paxi. 'Ix yaln can 'a eb', chajtl tzyutj Dios ya'n yajlil 'ayn̈ec.

3 Jn 1:14

Yujto tzin na'a, toq'ue 'oj stac' in 'at ach wila'. Atta 'oj in wach' alc can jun tzo'n̈ xo tas 'ayach.