Jn 20:17 - Chuj San Sebastian Bible

¹⁷ —Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Chuj San Mateo Bible

¹⁷ Ix yalan d'a ix: —Man̈ in a yama', yujto manto in paxq'ue b'aj ay in Mam. Ixic al d'a eb' vuc'tac yed' d'a eb' vanab' smasanil to ol in paxq'ue b'aj ay in Mam. A in Mam chi', e Mam pax ved'oc. A in Diosal, e Diosal pax ved'oc, xchi Jesús chi' d'a ix.

Jn 20:17 Referans Kwoze

Jn 16:28

Yel, a 'a qui Mam Dios cotnc in, in jaw 'a yolyib'n̈q'uinl tic. A ticnec, 'oj wactc can pax yolyib'n̈q'uinl tic, ax in pax q'ue 'a 'aj 'ay qui Mam Dios cha, xchi 'a eb'.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

Salmos 68:18

A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Jn 17:25

Mamin, caw tojl a nab'en. A eb' yic yolyib'n̈q'uinl tic, man̈ ach yojcoc eb'. Aln tic, wojc ach. Ax eb' tic, yojc xo eb' to ach checjnacn coti.

Mt 28:7

'Ixquec, 'at alc mu'c 'a eb' scuywum, chajtlto xpitzw pax 'a scal eb' chamnac. 'Oj b'ab'l c'och 'ayx 'a Galilea, ata 'oj eyila'. Atn jun tzo'n̈ tic tzwul wal 'ayex, xchi jun ángel chi 'a eb' 'ix.

Mt 12:50

Yujto tzann̈j eb' tzb'on 'icha tznib'j in Mam 'ayc' 'a satcha'an̈, atn eb' chi 'icha wu'tac, 'icha wanab', 'icha in nun yaji, xchi.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Jn 14:28

Tox 'ix wal eyab'i', to 'oj in paxi, palta 'oj in japxi, ax in can eyet'oc. Toto yel tzin e chamc'ojlej, toto 'ixta', tzex tzalji, yic 'oj eyab'ni, to 'oj in pax 'a qui Mam Dios. Yujto caw 'ec'b'al xo yel'ch 'a wib'an̈.

Jn 14:2

A 'a yatut in Mam, til wal lugar 'aj wach' tzon̈ 'ajc cajan. Q'uinloc may tas, tox am 'ix wal 'ayex. A ticnec, to 'oj 'at in b'o eyet'l 'aj 'oj e c'ochi.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 7:33

Ax Jesús cha, 'ix yaln 'ixtc 'a eb' 'anma': —Jab'xoj wal tiempo 'ayn 'ec' eyet'oc. 'Oj lajwc cha, ax in pax 'a 'aj 'ay jun checjnacn coti.

Lc 10:4

Man̈ eyic' e pa, e cartel, yet' e xan̈ab'. Man̈ ex comn 'och wan paxtinc yet' junc mach 'a yol b'e.

Ez 37:27

'Oj in can cajn 'a e cal, 'oj woch e Diosaloc, ax e yochx in chon̈b'oc.

Ez 36:28

Ax e canx cajn 'a sat slum e mam eyicham, atn lum wa'jnac 'a eb'. 'Oj eyoch in chon̈b'oc, ax wochx e Diosaloc.

Jeremías 32:38

'Oj 'och eb' in chon̈b'oc, an xo 'oj woch sDiosalc eb'.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Salmos 89:26

'Oj yal 'ayn 'ixtic: In Mam ach, in Diosal ach, in Colmal aji. A 'aych tzin col in b'a, 'oj schioc.

A Ch'an̈ Schab'il Libro Yic Yab'ixal Eb' Rey 7:9

Yajn̈ej 'ix laj yal-lanc eb' 'a junjn 'ixtic: —Man̈ wach'c jun wan qui b'onec tic. A ticnec sc'ul wal qui'nec 'at wach' 'ab'ix, oc xo jun ton̈j sictac cajec. Toto tzqui tan̈wjec sacb'eli, 'ayt laj tas xcot 'a quib'n̈ec. Coyc ticnec, 'at calc 'a win rey 'a sdespacho, xchi eb'.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

A Ch'an̈ Schab'il Libro Yic Yab'ixal Eb' Rey 4:29

Yuj cha, 'ix yaln Eliseo 'a win Giezi chi 'ixtic: —'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Mr 12:26

Palta toxnto checl xon yaji, to 'oj pitzwc pax eb' chamnac. ¿Tom mant 'a 'aj xeyila tas stz'ib'jnac can Moisés 'a Ch'an̈ U'un̈, yic spaxtin Dios 'a scal te q'ui'ix yic yaln 'ixtic: An ton tic sDiosal in Abraham, Isaac, yet' Jacob? xchi.