Jn 19:39 - Chuj San Sebastian Bible

³⁹ Ax Nicodemo, 'ix c'och pax ta'. Yet' 'oxe arroba jun tzo'n̈ su'q'ui sjab', mirra sb'i, caln yaj yet' junx áloe sb'i. A Nicodemo cha, atn xit'nc 'ec' sc'umc Jesús 'a 'ac'wal.

Chuj San Mateo Bible

³⁹ Ajun pax vin̈aj Nicodemo vin̈ xid'naquec' sc'umej Jesús d'ac'valil yed'nac vin̈. Ay am oxeoc arroba juntzan̈ suc'uq'ui sjab' scuchan mirra calan yaj yed' junxo scuchan áloes yed'nac vin̈aj Nicodemo chi'.

Jn 19:39 Referans Kwoze

Cantares 4:14

'icha te nardo, te azafrán, te canela, te te su'q'ui sjab', te snun incienso, te mirra, te áloe, yet' smasnil te c'ultc su'q'ui sjab'.

Jn 12:7

Ax Jesús, a 'ix aln 'ixtc 'a winac: —'Actj a tzuntzn 'ix, yujto a jun yal su'q'ui sjab' tic, molb'il yuj 'ix. 'Aycto xya'n 'och 'ix 'ayin, sec lista xo waji ax in mucxi.

Mr 16:1

Yic 'ix 'ec' sc'ul 'iljelal, ax 'ix María Magdalena, 'ix Salomé, yet' 'ix María snun Jacobo, 'ix smann eb' jun tzo'n̈ te su'q'ui sjab', yic tz'at ya'nc 'och eb' 'a sniwnal Jesús.

Mt 19:30

'Ay eb' 'anma niwn yel'ch 'a qui calc ticnec. Palta a eb' cha, niwn eb' toxn may jac yel'ch 'a yic jun tiempoal cha. An̈jtona', 'ay eb' may jac yel'ch 'a qui calc ticnec. Palta a eb' cha, niwn eb' caw 'ay yel'ch 'a yic jun tiempoal cha, xchi Jesús 'a eb'.

Mt 12:20

'Ay eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta 'eb'. Palta a 'oj colwjoc 'a eb', ma'oj yixtc eb'. 'Ixta 'oj yutc sb'a, masnto 'oj 'och Yajlil. Ax ya'n yajlil 'a stojlal.

Cantares 4:6

Ya' sb'a mantzac sacb'eli, 'oj in 'at 'a lum jolm witz 'aj 'ay te mirra, yet' 'a eb' lum tzaln 'aj 'ay te incienso.

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

Salmos 45:8

Smasnil a pichul, caw tz'ec' sjab' yet' sperjumail te mirra, te áloe, yet' yic te canela. A son 'aych sch'an̈il a tz'a'n tzaljc'ojlal 'aych 'a atut 'aj tzac' yajlil, jun to nab'a marfil 'aych yelwnub'loc.

2 Cr 16:14

'Ix smuc eb' 'a jun yet'l ya'jnac b'o 'a Schon̈b' David. 'Ix ya'n 'ejm eb' sniwnal Asa chi 'a yib'n̈ sb'achte'al, caw 'aych perjuma 'a sb'achtel cha, yet' smasnil c'ajquixtacl tas to su'q'ui sjab', to caw wach' yaj sb'o yuj eb' tzb'oni. 'Ix ya'n 'och eb' jun niwquil c'ac', yic tzch'oxn 'el eb' to niwn yel'ch 'a sat eb'.

Gn 50:2

Xlajw cha, xyaln José 'a eb' 'a'm remel tzmunlj 'a 'a, to tzya'ch eb' remel 'a sniwnal smam cha, atn win Israel, sec wach' matz c'a'i.

Cantares 1:13

Ach quelm to chamc'ojlb'il wu'uj, lajn ach wal 'icha jun tzec'oc te mirra to su'q'ui sjab' 'ayc' 'a snan̈l wim.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Jn 12:3

Ax 'ix María yet' 'ix mel-l litro yal su'q'ui sjab', nardo sb'i. A jun cha, caw chan̈ stojol. 'Ix c'och 'ix 'a Jesús. 'Ix stob'n 'och 'ix 'a yoc. Xlajwn̈ej cha, 'ix sucn tacj 'ix yet' xil sjolom. Caw c'uxn 'ix pucb't sjab' 'a yol jun n̈a cha.