Jn 19:25 - Chuj San Sebastian Bible

²⁵ A 'a stz'ey sculsal Jesús, 'aj t'un̈n q'ue cha, ata 'ayc' snun. Ajun pax jun 'ix snul'j yet'oc, yet' 'ix María yistl Cleofas, yet' pax 'ix María Magdalena.

Chuj San Mateo Bible

²⁵ Lin̈anoch ix snun Jesús d'a stz'ey te' culus chi', ajun ix snulej ix yed'oc yed' ix María ix yetb'eyum vin̈aj Cleofas yed' ix María aj Magdala.

Jn 19:25 Referans Kwoze

Lc 23:49

Ax jantcn̈ej eb' swach'c'ojl Jesús, yet' jun tzo'n̈ eb' 'ix 'ix ajun yet'oc, yic scot 'a Galilea, najttac xcan eb' 'ix, snajt 'iln 'at eb'.

Jn 20:1

Ax 'a yic domingo, 'ayt wal sacb'i, 'ix 'at María Magdalena 'a 'aj xmucx can 'och sniwnal Jesús cha. Ax yic xc'ochi, 'ix yilni 'elnc xo smac q'uen q'uen cha.

Lc 24:18

'Ay jun win xta'w mu'c 'a 'a, Cleofas sb'i, xyaln 'ixtic: —'Intax c'uxn yojc eb' 'anma smasnil tas 'ix uj 'a Jerusalén 'a chab'j 'oxji tic. Ach xo tic, ¿tom ma'ix ab' jac jun? 'In ach 'ec' ta', xchi eb' 'a 'a.

Lc 8:2

'Ay jun tzo'n̈ eb' 'ix 'ix 'aj 'elnc ewin demonio yuj Jesús, yet' jun tzo'n̈ xo eb' 'ix, b'oxnac can sc'ojl yu'uj, ajun pax eb' yet'oc. A 'a scal eb' 'ix cha, ajun María, tzcuch pax Magdalena. Atn 'a jun 'ix chi 'aj 'elnc ucwn̈ ewin demonio yuj Jesús.

Lc 2:35

'Ixta 'oj 'aj scheclj 'eli, tas tzna junjn 'anma'. Ach xo tic, 'ay jun c'ual 'oj 'och pitz'n cusc'ojlal 'aych yu'uj, 'icha to 'oj tecxc 'och junc q'uen espada 'a a pixan, xchi Simeón chi 'a María.

Mr 16:9

[A 'a Domingo 'a yic 'ayt sacb'i, ata xpitzw pax Jesús. Xlajw cha, a 'a 'ix María Magdalena 'aj 'ix sb'ab'l ch'oxj sb'a. A 'a jun 'ix cha, ata 'elnc ucwn̈ ewin demonio yuj Jesús.

Mt 12:46

Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.