Jn 19:10 - Chuj San Sebastian Bible

¹⁰ Yuj cha, 'ix yaln pax win 'a 'ixtic: —¿Tas yuj matz ach ta'w 'ayin? ¿Tom man̈ ojcoc to an 'ay wopiso ach wa'n 'och 'a spenc culus? ¿'Ay pax waln wic ach wa'n 'el 'a libre? xchi win 'a 'a.

Chuj San Mateo Bible

¹⁰ Yuj chi' ix yalanxi vin̈ d'ay: —¿Tas yuj max ach tac'vi d'ayin? ¿Tom man̈ ojtacoc to ay vopisio ach vac'anel d'a libre, ay pax vopisio ach in culusanq'uei? xchi vin̈ d'ay.

Jn 19:10 Referans Kwoze

Jn 18:39

Palta 'ay jun e ley, to a 'a junjn e q'uin̈ tic, tze c'an 'elt junjn eb' preso yaji, yic tz'el 'a libre. Yuj cha, ¿mamtzac yal e c'ojl tzwa'l jun e Reyl ax israel ex tic 'a libre ticnec? xchi win 'a eb'.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Jn 19:9

Yuj cha, 'ix 'ochx win 'a yol sdespacho jun 'ejm xo. 'Ix sc'anb'n pax win 'ixtc 'a Jesús: —¿'Aj wal til cotnc ach jun? xchi win 'a 'a. Palta ax Jesús, ma'ix ta'w 'a winac.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.