Jn 18:28 - Chuj San Sebastian Bible

²⁸ Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Chuj San Mateo Bible

²⁸ Axo yic van sacb'i, ix ic'jiel Jesús d'a yol spat vin̈aj Caifás chi' yuj eb' yajal d'a scal eb' israel, ix ic'jib'at d'a sdespacho vin̈aj Pilato, vin̈ yajal. A sley eb' aj Judea chi', max yal yoch eb' d'a yol sdespacho vin̈ chi'. A snaan eb', talaj tz'och smul eb' d'a yichan̈ Dios, talaj man̈ smojoc svaan jun vael eb' yic q'uin̈ van sjavi, yic snaancot eb' tas aj yelnaccot eb' smam yicham eb' d'a Egipto.

Jn 18:28 Referans Kwoze

Jn 19:9

Yuj cha, 'ix 'ochx win 'a yol sdespacho jun 'ejm xo. 'Ix sc'anb'n pax win 'ixtc 'a Jesús: —¿'Aj wal til cotnc ach jun? xchi win 'a 'a. Palta ax Jesús, ma'ix ta'w 'a winac.

Jn 18:33

Ax win Pilato cha, 'ix 'ochx can win 'a yol sdespacho cha. Ata 'ix yawtj 'och win Jesús, 'ix sc'anb'n win 'a 'ixtic: —¿Tom ach tic, sReyl ach eb' israel? xchi winac.

Jn 19:14

A yic 'ix 'em wocn cha, wan yoch chimc'ual. Q'ui'noc xoj yoch q'uin̈ cha. 'Ix yaln pax 'elt win 'a scal eb' 'ixtic: —'Iltec, yaj win e reyl tic, xchi 'elt win 'a eb'.

Mt 27:27

Ax ewin soldado win gobernador cha, 'ix yi'n 'at ewin Jesús 'a scuartel ewinac, atn jun tzcuch Pretorio, ata xyac' ewin syam sb'a jun tzo'n̈ xo ewin soldado smasnil.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

A Tas Sc'ulejnac Eb' Schecab' Jesús Hechos 11:3

'Ix sc'anb'n eb' 'ixtc 'a 'a: —¿Tas yuj xit' a c'umc eb' man̈ israeloc, ach wa pax yet' eb'? xchi eb' 'a 'a.

A Tas Sc'ulejnac Eb' Schecab' Jesús Hechos 10:28

Yuj cha, xyaln 'a eb' 'ixtic: —Eyojtac, an̈ israel on̈ tic on̈, may sleyl tzqui c'umj qui b'a yet' junc chuc chon̈b'al on̈. May sleyl tzon̈ 'och 'a yol yatut on̈. Palta a Dios x'a'n nachjc 'el wu'uj, yuj cha, matz tac' walni, to 'ay junc mach may sleyl tzin c'umej.

Jn 18:39

Palta 'ay jun e ley, to a 'a junjn e q'uin̈ tic, tze c'an 'elt junjn eb' preso yaji, yic tz'el 'a libre. Yuj cha, ¿mamtzac yal e c'ojl tzwa'l jun e Reyl ax israel ex tic 'a libre ticnec? xchi win 'a eb'.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Dt 16:2

A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

Lc 22:66

Ax yic wan sacb'i, syamn sb'a eb' 'ichmtac winc 'ay yopiso 'a scal eb' israel, yet' eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés. Xlajw cha, 'ix 'ijx 'at Jesús 'a yojltac ewin sat yajl cha. Ata sc'anb'j eb' 'ixtc 'a 'a:

Mr 15:16

Ax ewin soldado 'ix 'i'n 'at Jesús 'a jun scuartel ewinc tzcuch Pretorio. Ata xyac' ewin syam sb'a jun tzo'n̈ xo ewin soldado cha.

Ez 45:21

A 'a chan̈lajn̈e yoch b'ab'l 'uj cha, ata tze na uque'oc c'u q'uin̈ yic snanb'il cot eyelt 'a libre, cojn 'ixm pan may yich tze waj 'a uque c'u cha.

Pr 4:16

A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.

Pr 1:16

yujto yelc'ojlal tzyac' eb' yip sb'on maysch'olnil; tzyac' eb' yip smilw cham 'anma'.

Salmos 35:16

Caw ya in 'ec' yuj eb', in laj sb'uch eb', xjuch'ch'i ye eb' in yiln yet' schichnc'ojlal.

Jn 18:13

Xlajwn̈ej cha, 'ix yi'n 'at ewin 'a yatut win Anás, win sn̈i win Caifás. A win Caifás cha, sat ya'mal 'och sti eb' 'a Dios 'a jun ab'il cha.

Jn 18:15

A yic xyi'n 'at ewin Jesús, tza'n 'och Simón Pedro yu'uj, yet' junx scuywum Jesús cha. A junx scuywum cha, 'ojcab'il yuj win Anás. Yuj cha, 'ix 'ochch yet' Jesús 'a yol yamq'uil yatut winac.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

A Tas Sc'ulejnac Eb' Schecab' Jesús Hechos 10:32

Al ticnec, checb't jaywn̈oc winc 'a chon̈b' Jope, 'at yi' cab' cot eb' Simón, tzcuch pax Pedro. 'Ayc' 'a yatut jun sq'uexul, atn win b'om tz'u'um. A yatut win cha, ata 'ay 'a sti a mar. [A Pedro cha, 'ay tas 'oj wul yal 'ayach,] xchi 'ayin.