Jn 18:18 - Chuj San Sebastian Bible

¹⁸ A 'a jun tiempoal cha, caw 'ay si'ic. Yuj cha, ax ewin moso yet' ewin stan̈mal yatut Dios, 'ix ya'ch ewin sc'ac' yet' jun tzo'n̈ 'ac'al. Lin̈n 'och ewin c'achnoc. Ax Pedro, 'ix 'ochch yet' ewin 'a sti c'ac' cha, 'ix c'achn yet' ewinac.

Chuj San Mateo Bible

¹⁸ A d'a jun tiempoal chi' te ay siic, yuj chi' axo eb' vin̈ ayoch checab'oc yed' eb' vin̈ stan̈vumal templo, ix yac'och sc'ac' eb' vin̈ d'a te' ac'al. Lin̈jab'och eb' vin̈ c'axnel. Axo vin̈aj Pedro chi', ix c'och vin̈ yed' eb' vin̈ d'a sti' te' c'ac' chi', ix c'axni vin̈ yed' eb' vin̈.

Jn 18:18 Referans Kwoze

Mr 14:54

Ax Pedro najt tza'n s'at yuj Jesús. 'Ix 'ochch 'a yamq'uil yatut win sat yaj 'a ewin cha. 'Ix 'em wocn yet' eb' policía, 'ix c'achn yet' eb'.

Jn 18:25

Ax Pedro, an̈ja lin̈n 'och c'achnoc yet' ewin policía chi 'a sti c'ac'. Yuj cha, 'ix yaln ewin 'ixtc 'a 'a: —Ach tic, tecn scuywum ach Jesús, xchi ewinac. Ax Pedro, 'ix yij 'el 'a yib'an̈. 'Ix yaln 'ixtic: —Ma'ay, man̈ ino'oc, xchi cob'i'.

Jn 21:9

Ax 'ix 'elt eb', 'ix yiln eb' 'aych jun c'ac' yet' 'ac'al. 'Ayb't jun chay 'a yib'an̈. 'Ayc' pax jun tzo'n̈ pan 'a stz'ey.

Mr 14:67

'Ix yiln 'ix Pedro yic wan sc'achni. Yuj cha, x'och q'ueln 'ix, xyaln 'ix 'ixtc 'a 'a: —Ach tic etb'eym a b'a yet' Jesús 'aj Nazaret, xchi 'ix.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Gn 49:6

Jun 'ejmn̈ej matz in nib'j tzin c'och eyet' 'a 'aj tz'och eyamnil, yujto a yic xcot numjoc eyowal, xe miln cham eb' 'anma', yuj wal e tu nab'enal cha, xe ma'n wecchjoc yoc e no quelm wacax.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

A Tas Sc'ulejnac Eb' Schecab' Jesús Hechos 4:23

Xlajwn̈ej yel Pedro yet' Juan 'a libre, 'ix 'at eb'. 'Ix c'ochx eb' 'a 'aj 'aycn jun tzo'n̈ xo yitb'eym eb'. Cuxn xyal eb', jantcn̈ej tas 'ix alx 'a eb' yuj ewin sat ya'mal 'och sti eb' israel 'a Dios, yet' eb' 'ichmtac winc 'ay yopiso.

A Ch'an̈ B'ab'el Libro Yic Yab'ixal Eb' Rey 19:9

Ax yic xc'och ta', 'ix 'och 'a yol jun n̈aq'ue'en, axta x'ec' jun 'ac'wl yu'uj. Ax x'aji, 'ix c'och Jehová 'a 'a, 'ix yaln 'a 'ixtic: Elías ¿tas yuj 'aych 'ec' 'a tic? xchi.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.