Jn 18:11 - Chuj San Sebastian Bible

¹¹ Ax Jesús, 'ix aln 'ixtc 'a Pedro cha: —'Ac' 'ejm espada chi 'a yol yatut. ¿Tom tza na'a, to ma'oj wac' in b'a 'a jun yailal tzya' cot qui Mam Dios 'a wib'n̈ tic? xchi 'a 'a.

Chuj San Mateo Bible

¹¹ Axo ix yalan Jesús d'a vin̈aj Pedro chi': —Aq'uem q'uen espada chi' d'a yol yatut. ¿Tom man̈ ol vac' in b'a d'a jun yaelal syac'cot in Mam d'a vib'an̈ tic a naani? xchi d'a vin̈.

Jn 18:11 Referans Kwoze

Mt 26:39

Xlajw cha, 'ix 'at jab'xo, 'ix 'em lachn 'a sat lu'um, 'ix leslwi 'ixtic: Mamin, 'ij 'ec' jun yailal tic 'a wib'an̈, toto tztac' tza na'a; palta man̈ 'ichaoc tzin nib'j an tic, 'icha cab' tas tza nib'ej, xchi.

Mt 20:22

Yuj cha, 'ix yaln 'ixtc 'a ewin schawn̈il: —Palta matz nachj 'el eyu'uj, tas tze c'an 'ayin. ¿'Ojm techjoc eyu'uj yic 'oj eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'. —'Oj techjoc, xchi eb' 'a 'a.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Jn 15:10

Toto tzeyiclj jun tzo'n̈ in checnb'il, 'oj e cann̈j 'a in chamc'ojlal tic. Yujto 'ixta waj yet' in Mam, tzin yiclj jun tzo'n̈ schecnb'il. Yuj cha, tzin cann̈j 'a schamc'ojlal.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

Lc 22:42

'Ix yaln 'ixtic: —Mamin, toto tz'el 'a a c'ojol, tzej 'ec' jun yailal tic 'a wib'an̈, palta man̈oc 'icha tzin nib'ej, a cab' wal 'icha tza nib'ej, xchi.

Mt 26:42

Xlajw cha, x'atx leslwoc jun 'ejm xo, xyaln 'ixtic: Mamin, toto matz tac' yec' jun yailal tic 'a wib'an̈, b'o cab' 'icha tza nib'ej, xchi.

2 Co 6:7

A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

Jn 18:36

—An tic, man̈oc 'a yolyib'n̈q'uinl tic rey in. Q'uinloc a 'a yolyib'n̈q'uinl tic rey in. To 'ixta', ax eb' tzin 'a'n servil, 'ix yac' eb' owal, sec ma'in 'ajx 'och 'a yol sc'ab' eb' 'aj Judea. Palta man̈oc 'a tic rey in, xchi Jesús 'a winac.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Lc 12:30

Yujto a eb' man̈ 'ojtnacoc Dios, caw tzya'ch eb' snab'en sayn 'ec' jun tzo'n̈ cha. Palta a qui Mam Dios 'ojtnac, to 'ay tz'och jun tzo'n̈ chi cujec.

Ez 23:31

A sb'eyb'al 'ix a nul'j chi 'ix e'aj, yuj cha, 'icha to junn̈j vaso 'oj wac' eyu'lab'oc, tzyal 'el'chi to 'oj wa'ch a yailal, 'icha 'ix wutj wa'n 'och syailal 'ix a nul'j cha.

Salmos 75:8

Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

A Ch'an̈ Schab'l Libro Samuel 16:10

'Ix ta'w win rey chi 'ixtic: —A jun tic, may eyaln eyic ax yune ex Sarvia tic 'a 'a. A jun 'ixta in sb'ajn cha, tecn a Jehová tz'a'n yala'. Toto 'ixta', ¿mach wal junc 'oj stac' stenn 'och wa'an? xchi.