Jn 16:23 - Chuj San Sebastian Bible

²³ A 'a jun c'ul cha, man̈x 'a tas 'oj e c'anb'c 'ayin. Wal yel tzwal 'ayex, jantcn̈ej tas 'oj e c'an 'a qui Mam Dios 'a in b'i, 'oj ya'n̈j 'ayex.

Chuj San Mateo Bible

²³ A d'a jun c'ual chi' man̈xa tas ol e c'anb'ej d'ayin. Val yel sval d'ayex, masanil tas ol e c'an d'a co Mam Dios d'a in b'i, ol yac' d'ayex.

Jn 16:23 Referans Kwoze

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Mt 21:22

Tzann̈j tas 'oj e c'ana', yic tzex leslwi, 'oj 'ajxoc 'ayex, toto tzeya'ch 'a e c'ojol, xchi 'a eb'.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Mt 7:7

C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Jn 16:26

At 'a yic 'oj jawc jun c'u cha, atta 'oj e leslwi 'a in b'i yuj tas tze nib'ej. Matz wal 'ayex, to an 'oj in c'an tas 'a qui Mam Dios eyu'uj.

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

1 Jn 2:1

Ex chamc'ojlb'il wu'uj, tzin tz'ib'j 'at jun tzo'n̈ tic 'ayex, sec man̈xtzac e b'o maysch'olnil. Palta toto 'ay 'aj tzqui b'oc maysch'olnil, 'ay jun tz'a'n 'och qui tic 'a qui Mam Dios, atn Jesucristo. A jun cha, caw tojl snab'en.

Jn 14:5

Ax Tomás 'ix aln 'ixtc 'a 'a: —Palta Mamin, man̈ cojcoc on̈, 'aj 'oj a c'och cha. Yuj cha, ¿tas 'oj cutc cojcan 'el jun b'e chi 'on̈? xchi.

Jn 16:19

Ax Jesús, yojtac to tznib'j eb' sc'anb'c 'a 'a, tas tzyal 'el'ch jun xyal cha. Yuj cha, 'ix yaln 'ixtc 'a eb': —Tox 'ix wal 'ayex: Jab'xoj wal tzin eyil ticnec. Ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, xin chi 'ayex. ¿Tom yuj jun tzo'n̈ tzwal tic, 'i'n tzlaj e c'anb'lanc 'ec' 'ayex?

Jn 16:30

A ticnec, cojc on̈ to ojcn̈ej smasnil tas. Man̈ yowlalc tzat qui c'anb'j 'aych on̈, ax aln 'ayn̈ on̈. Yuj cha, tzca'ch 'a qui c'ojl on̈, to a 'a Dios cotnc ach, xchi eb' 'a 'a.

Jn 14:22

'Ay junx Judas sb'i, palta man̈oc Judas 'aj Queriot, a 'ix aln 'ixtc 'a Jesús: —Mamin, ¿tas yuj cojn 'ayn̈ on̈, an̈jta 'oj a ch'ox a b'a? ¿Tas yuj ma'oj a ch'ox a b'a 'a eb' yic yolyib'n̈q'uinl tic? xchi 'a Jesús.