Jn 16:10 - Chuj San Sebastian Bible

¹⁰ 'Oj yac' yojcoc 'el eb' chajtlto wach'n̈j xwutj in b'a, yujto 'oj in pax 'a 'aj 'ay qui Mam Dios. Man̈x 'a 'aj 'oj in eyil 'a tic.

Chuj San Mateo Bible

¹⁰ A' ol ac'an yojtaquejel eb' to vach'n̈ej ix vutej in b'a, yujto ol in pax b'aj ay co Mam Dios, b'aj man̈xo ol yal-laj in eyilani.

Jn 16:10 Referans Kwoze

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

A Tas Sc'ulejnac Eb' Schecab' Jesús Hechos 3:14

A Jesús cha, yicn̈ej Dios yaji, caw tojl sb'eyb'al. Palta ax tic, ma'ix e chaj 'el 'a libre. Ax jun win ma'm cham 'anma xe c'an 'elt sjeloc.

Gl 5:5

An̈ec xo, yuj Yespíritu Dios, tzca'c 'och yipc qui c'ojol, chajtlto 'oj on̈ yalc Dios wach'il. Atn jun tic wan qui tan̈wniec ticnec, yujto tzca'c 'och qui c'ojl 'a 'a.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

Jn 5:32

Palta 'ay junx tzalni tas wopiso. A jun cha, wojtac to caw yel tzyal wu'uj.

Jn 3:14

An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um, 'ixta 'oj waj q'ue t'un̈n paxi.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Is 42:21

An Jehová in, caw tzin nib'j tzin colwji, yuj cha, xwa'n cuynb'il caw wach' 'ayex.

Jn 7:33

Ax Jesús cha, 'ix yaln 'ixtc 'a eb' 'anma': —Jab'xoj wal tiempo 'ayn 'ec' eyet'oc. 'Oj lajwc cha, ax in pax 'a 'aj 'ay jun checjnacn coti.

Jn 16:5

Al ticnec, 'oj in pax 'a jun checjnacn coti. Palta 'in may junc ex tze c'anb'j 'ayin, 'aj 'oj in c'ochi.

Jn 16:28

Yel, a 'a qui Mam Dios cotnc in, in jaw 'a yolyib'n̈q'uinl tic. A ticnec, 'oj wactc can pax yolyib'n̈q'uinl tic, ax in pax q'ue 'a 'aj 'ay qui Mam Dios cha, xchi 'a eb'.