Jn 15:26 - Chuj San Sebastian Bible

²⁶ Palta 'ay jun 'oj cot 'a qui Mam Dios, atn Yespíritu caw yel. 'Oj jawoc, ax scolwj eyet'oc. An 'oj 'at in chec coti. A jun chi 'oj yac' testigoal sb'a wu'uj.

Chuj San Mateo Bible

²⁶ Palta ay junxo Colvajum ol cot d'a co Mam Dios, aton Yespíritu yel syala'. Ol b'at in checcoti. A' ol yac' testigoal sb'a vuuj.

Jn 15:26 Referans Kwoze

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

A Tas Sc'ulejnac Eb' Schecab' Jesús Hechos 5:32

An̈ tic on̈, caw tzcac' testigoal qui b'a yuj jun tzo'n̈ tzcal 'ayx tic on̈. An̈jtona', 'ixta pax Yespíritu Dios, tzyac' pax testigoal sb'a quet' on̈. A Dios tz'a'n Yespíritu tic 'a jantcn̈ej mach tzyiclni tas tzyala, xchi eb'.

A Tas Sc'ulejnac Eb' Schecab' Jesús Hechos 15:8

A Dios yojtac, tas 'ay 'a snab'en junjn mach. Yuj cha, 'ix yac' Yespíritu 'a eb' man̈ israeloc cha, 'icha xyutj ya'n 'ayn̈ec. 'Ixta xyutj sch'oxni, to wach' eb' 'a sat.

Lc 24:49

Ya'jnac can Dios sti', chajtlto 'ay jun 'oj 'emlc 'ayex, atn jun chi 'oj 'at in chec coti. Palta tan̈wjec 'a Jerusalén tic, masnto 'oj e cha e poder 'oj 'ajxc 'emt 'a satcha'an̈, xchi Jesús 'a eb'.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.

1 Co 1:6

Eyu'uj, 'ix checlj 'el yab'xil Cristo, chajtlto caw yel.

Jn 16:7

Palta yel tzwal 'ayex, a yic 'oj in 'ati, yel xo caw wach' eyico'. Toto ma'oj in 'ati, ax jun 'oj jawc colwjoc eyet'oc, ma'oj jawoc. Palta a yic 'oj in 'ati, 'oj in chec cot jun chi 'ayex.

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.

A Tas Sc'ulejnac Eb' Schecab' Jesús Hechos 1:4

Yic 'ayt 'ec' Jesús yet' eb' schecb' cha, 'ix yaln 'ixtc 'a eb': —Man̈ ex 'el 'a yol chon̈b' Jerusalén tic. Tan̈wjec jun tas yaljnac can qui Mam Dios 'ayex, yic ya'n can sti', 'icha wutj waln 'ayex.