Jn 13:23 - Chuj San Sebastian Bible

²³ 'Ay jun caw chamc'ojlb'il yu'uj, wocn 'ejm 'a smo'och, yic wan swa eb'.

Chuj San Mateo Bible

²³ Ayic van sva eb', a vin̈ sc'ayb'um Jesús te xajanab'il yuuj, a d'a stz'ey ayec' vin̈.

Jn 13:23 Referans Kwoze

Jn 19:26

'Ayc' pax jun scuywum Jesús 'a stz'ey snun cha, atn jun caw chamc'ojlb'il yu'uj. Yic 'ix yiln Jesús eb', 'ix yaln 'a snun chi 'ixtic: —Nunin, a jun 'ayc' et' tic, 'icha one tzotej, xchi.

Jn 21:20

Ax 'ix sutmj 'at q'ueln Pedro chi 'a spatic. 'Ix yilni to a jun scuywum Jesús chi xajn yu'uj, a tza'n 'och yuj eb'. Atn jun chi wocn 'ejm 'a smo'och yic swa eb' 'a jun 'el, yic sc'anb'n 'ixtc 'a 'a: Mamin, ¿mach 'oj a'n 'och 'a yol sc'ab' chamel? xchi 'a 'a.

Jn 21:7

Ax jun scuywum Jesús caw chamc'ojlb'il yu'uj, a 'ix aln 'ixtc 'a Pedro: —'In a Cajlil tic, xchi. Xlajwn̈ej yab'n Simón Pedro jun cha, 'ix stza'n cot spichul. 'Ix ya'n 'och muc'uc, yujto 'elnc spichl chi yu'uj. 'Ix sjuln 'elt sb'a 'a yol barco cha, 'ix 'el'ch 'a sti a'.

Jn 20:2

Yuj cha, caw carela x'at 'ix. Ax 'a Simón Pedro xc'ochi. 'Ayc' pax junx scuywum Jesús, atn jun caw chamc'ojlb'il yu'uj. 'Ix yaln 'ix 'a eb' 'ixtic: —Caw 'ix 'ijx 'elt sniwnal Cajlilec 'a 'aj mucb'il can 'ochi. ¿'Ajm wal 'ix yij 'at ewinac? xchi 'ix 'a eb'.

Jn 11:36

Ax eb' israel chi 'ayc' ta', 'ix laj yalnc eb' 'ixtic: —'In caw chamc'ojlb'il win yu'uj, xchi eb'.

Jn 11:5

A Jesús, caw 'ay schamc'ojlal 'a Lázaro cha. 'Ay schamc'ojlal pax 'a María yet' 'a Marta cha.

Jn 11:3

Yuj cha, 'ix ya'n 'at eb' yanb' chi sti 'a Jesús, 'ix yaln 'at eb' 'ixtic: —Mamin, a jun a wach'c'ojl 'a tic, caw ya'ay ticnec, xchi eb'.

A Ch'an̈ Schab'l Libro Samuel 12:3

Palta ax win meb'a cha, teb'il wal 'ay jun c'otn̈ scalnelu manb'il yu'uj. A win 'ix q'uib'tzan no 'a yune'al. A 'a scal eb' yunnal 'ix q'uib' chan̈ no'. A tas tzc'uxu, yet' tas tzyu'j winac, a chi sc'uxu, ax 'a sn̈i sc'ojl win smec' way no'. 'Icha wal junc yisil, 'ixta xyutj schamc'ojlani.

Jn 21:24

Atn jun scuywum tic tzyac' testigoal sb'a yuj jun tzo'n̈ tic, tz'ib'n can paxi. An̈ tic on̈ cojc on̈, caw yel jun tzo'n̈ tic 'ix tz'ib'x can tic.

Jn 13:25

Yuj cha, 'ix swach' nitzn 'ochch sb'a 'a stz'ey. 'Ix sc'anb'n 'a 'ixtic: —Mamin, ¿machm laj jun chi tzal ticnec? xchi.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Lc 16:22

A yic xjaw sc'ul scham win meb'a cha, ax eb' ángel xwul 'i'nc spixan. 'Ix c'och yet' Abraham 'a jun paraíso sb'i. An̈jtona', xjaw pax sc'ul scham win rico cha, 'ix mucxi.

Jn 13:24

Ax Simón Pedro 'ix yac' jab' senya 'a 'a, sec toq'ue tzc'anb'j 'a Jesús cha, mach junc tzyala.

A Ch'an̈ B'ab'el Libro Yic Yab'ixal Eb' Rey 4:5

A Azarías yunnal Natán, a yajl yaj 'a scal eb' gobernador; Zabud yunnal pax Natán, ya'mal 'och sti eb' 'anma 'a Dios, ya'mal pax snab'en win rey yaji.