Jn 12:31 - Chuj San Sebastian Bible

³¹ A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Chuj San Mateo Bible

³¹ A ticnaic, ol ch'olb'itaj tas yaj eb' ay d'a yolyib'an̈q'uinal tic. Axo vin̈ tz'ac'an mandar jun yolyib'an̈q'uinal tic, ol pechjoquel vin̈.

Jn 12:31 Referans Kwoze

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Is 49:24

A junc winc caw wal 'ay yip, a tas tz'at yac' ganar 'a owal, ¿tom tztac' yijx 'ec' 'a 'a? ¿tom tztac' yijx 'ec' junc 'aych 'a preso 'a yol sc'ab' jun yajl to caw yel xo ow?

Jn 3:19

An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.