Biblia Todo Logo
Bib sou entènèt

- Piblisite -




Jn 12:26 - Chuj San Sebastian Bible

26 Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Gade chapit la Kopi

Chuj San Mateo Bible

26 Tato ay eb' snib'ej tz'och in checab'oc, ochocab' tzac'an eb' vuuj. A eb' in checab' chi', ol aj eb' ved' b'aj ayin eq'ui. Tato ay eb' tz'och in checab'oc, axo in Mam ol ch'oxanoc to nivan yelc'och eb' d'a sat, xchi Jesús.

Gade chapit la Kopi




Jn 12:26
34 Referans Kwoze  

A yic tzwaln 'at jun tzo'n̈ tic 'ayex, ¿tom tzin nib'j tzalj junc 'anma wet' e nani? Ma'ay, cojxn Dios tzin nib'j tzalj wet'oc. Matz in na jab'oc, toto tzalj junc 'anma wet'oc. Q'uinloc ton̈j tzin nib'j tzalj eb' wet'oc, to 'ixta', man̈ in ya'malc servil Cristo.


Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.


Yujto cojquec xo, to a Cajlilec, a 'oj 'a'nc spac 'ayn̈ec, atn jun yic 'oj yac' 'ayn̈ec an̈ yunnaln̈ec xo tic. Yujto wan ca'nec servil 'a Cristo, atn jun Cajlilec caw yel.


An Pablo in, an tzin tz'ib'j jun carta tic. An tic ya'mal in servil Jesucristo. A Dios yawtjnacn 'och schecb'oc. Sic'b'iln 'el yu'uj, yic tzwaln 'el wach' 'ab'x yic Dios.


Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.


A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.


Yuj cha, caw 'aych Dios yipc qui c'ojlec. Caw tzqui nib'j tzcactjec can qui niwnalec tic, sec 'oj stac' qui c'ochc 'a junx catut 'aj 'ayc' Cajlilec cha.


An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.


Toto yel tzqui chamc'ojlejec Dios, 'oj qui yiclquec tas tzyal jun tzo'n̈ schecnb'il. A jun tzo'n̈ schecnb'il tic, man̈ yac qui yiclni.


An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.


A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.


Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.


Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.


¿Tas yuj tzeyal 'ayn 'ixtic: Mamin, Mamin, xe chi, palta matz eyiclj 'icha tas tzwala?


A mach wach' tzyutj stan̈wni te higo 'awb'il yu'uj, 'oj slo sat te'; 'ixta pax 'a yic wach' tzyutj junc mach stan̈wni spatron̈, caw 'oj 'ijxoc chan̈ sb'i.


A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.


Matz nachj 'el wu'uj, 'aja wal junc wach'. Tzin nib'j tzin chami, sec tztac' tzin c'och mu'c 'a 'aj 'ayc' Cristo, yujto yel xo wach' wic 'ixta'.


'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.


Wal yel tzwal 'ayex, may junc moso 'ec'b'al yel'ch 'a yib'n̈ spatron̈. 'Ixta pax eb' checab', may junc eb' 'ec'b'al 'a yib'n̈ jun tzchecn eb' cha.


Xlajw cha, xyaln 'ixtc 'a eb' smasnil: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syal wuj 'a junjn c'u, toxn̈ej tz'ajx 'och eb' 'a spenc culus. Toto 'ixta', 'och cab' in cuywumoc.


Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.


Palta an xo tic, yujto tojl in nab'en, 'oj ach wil yet' in sat; man̈x 'a tas 'oj in na', yic 'oj in pitzw pax chan̈ 'a ojltac.


Cojn wal win in checb' Caleb, cojn wal yiclum xyutj sb'a 'ayin. Yuj cha, 'oj c'och win 'a sat lum lum xit' yil cha, ax eb' yin̈til, a eb' 'oj cajnoc lu'um.


A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.


A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.


Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.


Toto tzin e chamc'ojlej, yicljec jun tzo'n̈ in checnb'il.


Xlajw cha, 'ix yawtn cot eb' scuywum chi 'a 'a, yet' eb' 'anma', 'ix yaln 'ixtc 'a eb': —Toto 'ay eb' tznib'j tz'och in cuywumoc, yowlal man̈x yico'oc sb'a eb' sch'ocoj, yab' cab' eb' syal wu'uj, toxn̈ej tz'ajx 'och eb' 'a spenc culus, toto 'ixta', 'och cab' eb' in cuywumoc.


Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.


A eb' 'anma 'ay sjunc'lil ab'il sq'uinal yet' 'a yojltac, eb' 'elncta wuj 'a Egipto, ma'oj yil eb' lum lum 'aj wa'jnac in ti wa'n 'a Abraham, 'a Isaac yet' 'a Jacob, yujto man̈ tojloc xyutj sb'a eb' 'ayin.


A wal eb' moso chi pitzan yic tzjaw spatron̈ cha, caw wach' yic eb'. Wal yel tzwal 'ayex, caw a win patron̈ chi 'oj 'a'n 'ejm wocn eb' smoso chi wa'oc, ax ya'n servil win eb'.


Swiv nou:

Piblisite


Piblisite