Jn 11:54 - Chuj San Sebastian Bible

⁵⁴ Yuj cha, man̈xtzac 'ec' Jesús 'a scal eb' 'aj Judea cha. 'Ix yi'n 'el sb'a 'a jun lugar cha. 'Ix 'at 'a jun chon̈b' Efraín sb'i 'ay 'a sti lum cusltac lu'um. Ata x'och wan yet' eb' scuywum cha.

Chuj San Mateo Bible

⁵⁴ Yuj chi' maxtzac ec' Jesús d'a scal eb' aj Judea chi'. Ix el d'a jun lugar chi'. Ix b'at d'a jun chon̈ab' scuchan Efraín ay d'a sti' jun lum taquin̈ luum. Ata' ix can yed' eb' sc'ayb'um.

Jn 11:54 Referans Kwoze

Jn 7:1

Xlajw cha, 'ix b'eyc' Jesús 'a yol yic Galilea. Ax 'a yol yic Judea, ma'ix snib'j 'ec' sb'a ta', yujto a ewin 'aj Judea cha, tznib'j ewin smil chamoc.

Jn 7:4

Toto 'ay junc mach tznib'j tzcheclj 'el 'a sat eb' 'anma', matz tac' tzmunlj 'a c'ultaquil. Yuj cha, 'ixta ach. Toto yel 'ay jun tzo'n̈ milagro tza ch'oxo, yowlal tza ch'oxl a b'a 'a sat eb' 'anma', xchi eb' 'a 'a.

2 Cr 13:19

'Ix 'at Abiam 'a spatquil Jeroboam, 'ix yi'n can 'ec' jun tzo'n̈ chon̈ab', atn Bet-el, Jesana, yet' Efraín yet' yaldeail jun tzo'n̈ chon̈b' tic.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Jn 10:40

Xlajw cha, xc'axw can pax 'ec' 'a a niwn a Jordán. Ata x'och wan 'a 'aj ya'jnac bautisar Juan eb' 'anma'.

Jn 7:13

Palta c'ultac tzlaj yal eb' yu'uj. May junc eb' 'ip yaln 'a scal eb', yujto tzxiw eb' yab'n ewin 'aj Judea cha.

Jn 7:10

Palta ax yic tox 'ix 'at eb' yu'tac chi 'a jun q'uin̈ cha, ax Jesús, c'ojnc'ojnilt 'ix 'ati. C'ultacn̈ej x'ati.

A Ch'an̈ Schab'l Libro Samuel 13:23

Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc.