Jn 11:52 - Chuj San Sebastian Bible

⁵² Man̈ yujocn̈ej eb' israel cha, 'ix schami. 'Ix chami, yic tzmolb'tzan jantc eb' Yunnal Dios t'un̈ctac yajcn 'at 'a yolyib'n̈q'uinl tic, sec junxn̈ej 'oj 'aj eb'.

Chuj San Mateo Bible

⁵² A schamel chi', man̈ yujocn̈ej eb' israel chi', palta yuj pax smolb'anxi eb' yuninal Dios sacleminac yajcanb'ati, yic junxon̈ej tz'aj eb'.

Jn 11:52 Referans Kwoze

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

A Sb'ab'el Carta San Pedro 1:1

An tic Pedro 'in, schecb' in Jesucristo. Tzin tz'ib'j 'at jun in carta tic 'ayx ex pucnc can 'at 'a yol yic Ponto, 'a Galacia, 'a Capadocia, 'a Asia, yet' 'a Bitinia.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Ro 3:29

A Dios, man̈ sDiosalocn̈ej eb' israel sch'ocoj, sDiosal pax eb' man̈ israeloc. Caw yel qui Diosalec qui masnil,

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

Ef 3:11

Yictax mantzac sb'o Dios yolyib'n̈q'uinl tic, snajnac cani tas tzon̈ yutjec. Yuj Cajlil Jesucristo 'ix 'el'ch jun snajnac can cha.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

Ro 4:17

'Icha yaj yaln can Dios 'a Ch'an̈ U'un̈, a 'aj tzyal 'ixtic: Yujto niwn nacion̈ 'oj ach wa'ch smam 'ichmoc, xchi Dios 'a win Abraham cha. A Dios a tz'a'n pitzwc pax eb' chamnac. Ton̈j tzyala, tzcheclj chan̈ pax jun tzo'n̈ tas mant 'ayc 'ec' xoni.

A Tas Sc'ulejnac Eb' Schecab' Jesús Hechos 18:10

yujto 'ayn 'ec' et'oc. May junc mach 'oj stac' scot jucnjoc 'ayach, yujto til wal mach sic'b'il xon 'el wuj 'a yol jun chon̈b' tic, xchi 'a 'a.

Jn 12:32

Aln tic, a yic 'oj wajx q'ue'i, 'oj wi' cot smasnil 'anma 'ayin, xchi Jesús.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Ez 34:12

'Icha wal yoch junc 'ilm calnelu 'il yuj scalnelu satnc can 'ati, 'ixta woch 'il yuj eb' in chon̈ab'. 'Oj in molb'tzoc paxt eb' 'aj sactzicnac yajcn 'at cha, ax wi'n 'elt eb' 'a scal q'uic'q'uinl 'aj 'aycn 'ati.

Is 60:4

Tzlajw cha, ax eyiln 'at 'a najat, tzex laj 'ec' q'uel-loc, to a smasnil eb' eyit chon̈ab', 'oj laj syamx sb'a eb', ax sjapx eb' 'ayex. 'Oj eyil scot eb' eyunnal 'a najat, mec'b'il eb' eyisil ax wul yajx can pax eb' 'ayex.

Is 56:8

An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.

Is 55:5

Ax 'a yic b'aq'uin̈, 'oj eyawtc cot eb' 'anma man̈ eyojcoc. A eb' 'anma man̈ ex 'ojtnacc cha, caw yajn̈ej ax sjaw eb' 'ayx muc'uc, yujto an Jehová in, Cojxn In Ton e Diosal In, an tzex wac' 'ijxoc chan̈ yet' e chon̈ab', xchi Dios.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Salmos 22:15

'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Jn 1:12

Palta ax jantcn̈ej eb' tzchani, eb' tzya'ch sc'ojl 'a 'a, a tzalni to 'ay yaln eb' yic yoch yunnalc Dios.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

Lc 15:8

Q'uinloc 'ay junc 'ix, 'ay lajn̈ec stumin, toto tzsat junoc, tzya'ch staj, tzmesn 'elt yol yatut. Caw wal tzsayq'ui masnto tzchax yu'uj.