Jn 11:25 - Chuj San Sebastian Bible

²⁵ —An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Chuj San Mateo Bible

²⁵ —A in tic, svac' pitzvocxi eb' chamnac, aj q'uinal in. A mach tzin ac'anoch d'a sc'ool, vach'chom ol chamoc, palta ol pitzvocxi.

Jn 11:25 Referans Kwoze

1 Ts 4:14

An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Jn 6:44

A 'in Mam checjnacn coti. May junc mach tztac' scomn jaw 'ayin, yic tzchan sq'uinal, toto man̈oc in Mam tz'i'n cot 'ayin. A eb' tzjaw 'ayn cha, 'oj wac' pitzwc pax chan̈ eb' 'a slajb' c'ual.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Jn 6:35

—An ton tic, 'icha wal in, yujto 'ay eb' tzlaj wac' sq'uinl 'a jun 'ejmn̈ej. A eb' tzjaw 'ayin, man̈x b'a'n̈ 'oj 'och swejl eb'. A eb' tzin 'a'n 'och 'a sc'ojol, man̈x b'a'n̈ 'oj 'och stacn̈til eb'.

Apoc 21:4

Man̈x 'oj scha 'oc' eb'. A wal ta', man̈x 'a chamel, man̈x 'a 'oq'uel, man̈x 'a cusc'ojlal, man̈x 'a pax yailal. Yujto jantcn̈ej tas 'ay 'a yic yalan̈, 'e'nc xo, xchi.

A Scarta San Pablo D'a Eb' Aj Filipos 3:10

Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo.

Apoc 20:5

Ax jun tzo'n̈ xo eb' chamnc to, mantzac pitzw pax eb', masnto 'oj tz'acwc jun mil ab'il. Ax eb' 'ayc' yet' Cristo, atn eb' b'ab'l pitzwnac.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 5:26

Yujto a 'in Mam, 'ay spoder ya'n sq'uinl eb' 'anma'. Ya'jnac can pax jun spoder chi 'ayn an Yunnaln tic. Yuj cha, an̈jtona 'in, tztac' wa'n pax sq'uinl eb'.

Salmos 36:9

Yujto a 'aych tzcot qui q'uinl on̈, 'icha sjaj junc a a', yujn̈ej a sacq'uinlal 'ay qui q'uinl on̈.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

Is 38:16

Mamin, yujn̈ej tas tza b'o'o, yuj cha 'ay sq'uinl smasnil 'anma'; locn in 'ay pax in q'uinl yet' eb'. Ach 'ix ac' in tzatzl Mamin, yuj cha, pitzn in ticnec.

A Scarta San Pablo D'a Eb' Aj Filipos 1:23

Matz nachj 'el wu'uj, 'aja wal junc wach'. Tzin nib'j tzin chami, sec tztac' tzin c'och mu'c 'a 'aj 'ayc' Cristo, yujto yel xo wach' wic 'ixta'.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

2 Co 4:14

Cojc on̈, a Dios 'a'jnac pitzwc pax Cajlil Jesús 'a scal eb' chamnac, a 'oj ca'n pax pitzwc on̈, yujto yic on̈ Jesús on̈. 'Oj e pitzw pax quet' on̈, ax on̈ yi'nec 'at 'a 'aj 'ayc' cha.

Ro 4:17

'Icha yaj yaln can Dios 'a Ch'an̈ U'un̈, a 'aj tzyal 'ixtic: Yujto niwn nacion̈ 'oj ach wa'ch smam 'ichmoc, xchi Dios 'a win Abraham cha. A Dios a tz'a'n pitzwc pax eb' chamnac. Ton̈j tzyala, tzcheclj chan̈ pax jun tzo'n̈ tas mant 'ayc 'ec' xoni.

Lc 23:43

Yuj cha, xyaln Jesús chi 'ixtc 'a winac: —Wal yel tzwal 'ayach, 'a yic jun c'u tic, 'oj a c'och wet' 'a jun paraíso sb'i, schi 'a winac.

1 Co 15:29

A ticnec, 'ay eb' tz'ajx bautisar sjelc eb' chamnac. Palta toto ma'oj pitzwc pax eb' chamnc cha, ¿tas yuj 'ay eb' tz'ajx bautisar sjelc eb'?

1 Co 15:18

Ax eb' creyente chamnc xo, jun 'ejmn̈ej am chamnc eb'.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.