Jn 10:6 - Chuj San Sebastian Bible

⁶ 'Ixta xyutj Jesús yaln jun 'ab'x tic 'a eb', palta ma'ix nachj 'el yuj eb', tas tzyal 'el'chi.

Chuj San Mateo Bible

⁶ A jun ch'oxnab'il ix yal Jesús chi', maj nachajel-laj yuj eb' vin̈ tas syalelc'ochi.

Jn 10:6 Referans Kwoze

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Pr 28:5

A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Salmos 82:5

Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.

Jn 16:25

Chuc xwutj waln jun tzo'n̈ cuynb'il tic 'ayex. Palta 'ay jun tiempoal 'oj jawoc, man̈xtoc 'oj wal 'ayx 'ixta', yujto tojl xoj 'oj wutc waln yab'xil qui Mam Dios 'ayex.

Mt 13:51

Xlajw cha, 'ix sc'anb'n 'ixtc 'a eb' scuywum: —¿Tzam nachj 'el jun tzo'n̈ tic smasnil eyu'uj? xchi 'a eb'. —N', xnachj 'el cuj on̈ Mamin, xchi eb' 'a 'a.

Dn 12:10

Yuj jun tzo'n̈ yailal cha, caw niwn 'anma 'oj 'ijxoc 'el smul, 'oj tojlb'oc can snab'en eb', caw wach' oj 'ajcn eb'. Ax eb' maysch'olnil sb'eyb'al, 'oj niwtjoc sb'on eb' maysch'olnil. Toxn ma'oj nachjoc 'el yuj eb' tas wan yuji. Palta ax eb' 'ay snab'en, 'oj nachjoc 'el yuj eb'.

Salmos 106:7

A yic 'ayc' eb' qui mam quichm 'a Egipto on̈, 'icha to may yel'ch tas xa b'o 'a sat eb'; 'ix ya'n sat eb' sc'ojl 'a a niwn chamc'ojlal, ax 'a sla'nil sti a Chac Mar, ata x'och eb' 'ajc'ojlal 'ayach.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

Jn 8:43

¿Tas yuj matz nachj 'el eyu'uj, tas tzwal 'ayex? Tecn to matz yal e c'ojl tze chaj eyab' in paxti tic.

Jn 8:27

Palta ma'ix nachj 'el yuj ewinac, toto wan yaln yuj qui Mam Dios.

Jn 7:36

'In xyal 'ayn̈ec, ax xo tic, 'oj cob' in e sayq'ui. Palta man̈x 'oj in chax eyu'uj, yujto ma'oj stac' e c'och 'a 'aj 'oj in c'ochi, 'in xchi 'ayn̈ec. ¿Tas wal tzyal 'el'ch jun xyal 'ayn̈ec tic? xchi eb' israel cha.

Jn 6:60

Ax yic 'ix yab'n eb' scuywum jun tzo'n̈ cha, til wal eb' 'ix aln 'ixtic: —Caw tu jun tzyal tic. ¿Tom 'ay mach tztechj yab'n jun tzo'n̈ tzyal tic? xchi eb'.

Jn 6:52

Ax eb' 'aj Judea cha, 'ix laj stej sb'a eb' yuj tas 'ix yal cha. 'Ix laj yalnc eb' 'ixtic: —A wal jun winc tic, ¿tas wal 'oj yutc ya'n qui chi schib'jal chi snani? xchi eb'.

Mt 13:34

Yic xyaln 'el Jesús 'a scal eb' 'anma cha, an̈j jun tzo'n̈ 'ab'x caw ya snachj 'el xyal 'a eb'. Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb'.

Mr 4:34

Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.

Jn 16:29

Ax eb' scuywum cha, 'ix yaln eb' 'ixtc 'a 'a: —A ticnec, caw tojl xoj tzotj aln 'ayn̈ on̈. Man̈xtoc chuc tzotj aln 'icha 'a jun 'el.

A Schab'il Carta San Pedro 2:22

'Ay jun paxti yel, a tzaln 'ixtic: A no tz'i', tzlajw xej no', tzle'n pax no xej chi jun 'ejm xo. Yet' no chitam, tzlajwn̈ej sb'icx no', tz'atx no 'a scal b'i'ch muc'uc, tzb'alb'i'chan pax sb'a no', xchi. 'Icha e no cha, 'ixta eb' tic, yujto tzya'x 'at sb'a eb' 'a scal maysch'olnil jun 'ejm xo.