Jn 10:21 - Chuj San Sebastian Bible

²¹ Palta 'ay nan̈l xo eb' 'ix alni: —Toto 'aych junc demonio 'a 'a, ¿tom tztac' yaln 'ixta'? A junc demonio, ¿tom tztac' sjacn sat junc mach matz uj yilni? xchi eb'.

Chuj San Mateo Bible

²¹ Palta ay nan̈alxo eb' ix alani: —Tato ayoch junoc enemigo d'a vin̈, ¿tom syal yalan vin̈ icha chi'? A junoc enemigo, ¿tom syal sb'oan sat junoc mach max yaltaxon yilani? xchi eb'.

Jn 10:21 Referans Kwoze

Ex 4:11

'Ix ta'w pax Jehová, 'ix yaln 'ixtic: —An xwala, yuj cha, tztac' spaxtin eb' 'anma', an xwala, yuj cha, 'ay eb' chacan̈, 'ay eb' matz uj spaxtini, 'ay eb' matz uj yilni, 'ay eb' wach' yilni.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Salmos 94:9

¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?

Jn 9:6

Xlajw yaln jun tzo'n̈ tic, 'ix stzub'n 'ejm stzub' 'a sat lu'um. 'Ix sb'on jab' b'i'ch yet' stzub' cha. Sucn 'och 'a yol sat win matz uj yiln cha.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Pr 20:12

A Jehová a xb'on qui chicnec yic tzcab'nec, sb'on pax yol qui satec yic tzquilni.

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

Ex 8:19

Xlajw cha, 'ix yaln eb' tzyal jelnal sb'a chi 'a win rey chi 'ixtic: —A jun tic, smunljel Dios, xchi ewinac. Palta an̈j 'ijnoc 'ix pitb' 'el snab'en win rey, 'icha wal yutjnac Jehová yalni. Ma'ix chaj win yab' tas 'ix yal Moisés yet' Aarón.

Jn 10:22

Ax 'a yic xjaw stiempoal n̈ab'lq'uinal, 'ix 'och sq'uin̈ yatut Dios 'a Jerusalén.