Jn 1:15 - Chuj San Sebastian Bible

¹⁵ A Juan aljnac yab'xil jun cha, yic yaln 'ixtic: —'Ay jun tza'n sjaw wu'uj, caw 'ec'b'al yopiso 'a wib'an̈, yujto yic mantzac in 'alji, toxn 'ayq'ui. Tox 'ix wal yab'xil jun chi 'ayex, xchi.

Chuj San Mateo Bible

¹⁵ A vin̈aj Juan aljinaccan yab'ixal jun chi' icha tic: —Ay jun tzac'an sja vuuj, palta ec'alto val yelc'och yopisio d'a vichan̈, yujto ayic manto in alji, aytaxon eq'ui. Valnacxo yab'ixal d'ayex, xchi vin̈.

Jn 1:15 Referans Kwoze

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

A Scarta San Pablo D'a Eb' Aj Colosas 1:17

Yic mant 'a yolyib'n̈q'uinl tic, 'ayc' xon Cristo. Yujn̈ej, wach'n̈j yec' smasnil tas.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Lc 3:16

Palta xyaln Juan chi 'ixtc 'a eb' smasnil: —An tic, wal yel tzex wac' bautisar 'a a a', palta 'ay jun tot 'oj jawoc, a 'oj 'a'nc Yespíritu Dios 'ayex, mto a c'ac' 'oj yac' 'ayex, 'icha to 'oj eyajx bautisar yu'uj. A jun 'oj jawc cha, yel xo wal niwn yel'ch 'a wib'n̈ an tic. Yuj cha, man̈ in mojc wa'n servil, wach'xam ton̈j tzin jiy jac sc'ab' xan̈ab'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

Jn 1:27

A jun cha, tza'n sjaw wu'uj, palta yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzin jiyl sc'ab' xan̈b' 'a yoc, xchi Juan 'a eb'.

Mr 1:7

'Ix yaln 'el 'a scal eb' 'anma 'ixtic: 'Ay wal jun tza'n sjaw wu'uj, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzin 'em n̈ojn in jiyl jac sc'ab' xan̈ab'.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Pr 8:22

A Jehová, a b'ojnac can jelnal yic mantzac 'el yich smunlji, yic mantzac b'o smasnil tas, yic mantzac b'o lum lum tic; yic mant 'a a niwc mar, yic mantzac can sjaj a niwc a tzb'eyi, yet' eb' a cotc a tzpaq'ui; yic mantzac b'o lum tzalctac yet' lum niwc witz, yic mantzac sb'o lum lum tic, yic mant 'a xon spoccal yolyib'n̈q'uinl tic, 'ayc' xon jelnal chi ta'.