Jn 1:10 - Chuj San Sebastian Bible

¹⁰ A jun Spaxti Dios cha, wulnc 'ec' 'a yolyib'n̈q'uinl tic. Caw b'ob'il yolyib'n̈q'uinl tic yu'uj. Palta a yic swulc 'emta, ma'ix nachj 'el yuj eb' 'anma', toto a'.

Chuj San Mateo Bible

¹⁰ A jun Slolonel Dios sb'i chi', ulnaquec' d'a tic. A b'ojinac yolyib'an̈q'uinal tic. Palta ayic ix uleq'ui, maj nachajel-laj yuj eb' anima tato a'.

Jn 1:10 Referans Kwoze

Jn 17:25

Mamin, caw tojl a nab'en. A eb' yic yolyib'n̈q'uinl tic, man̈ ach yojcoc eb'. Aln tic, wojc ach. Ax eb' tic, yojc xo eb' to ach checjnacn coti.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

1 Co 2:8

May junc eb' yajl yic yolyib'n̈q'uinl tic tznachj 'el jun tic yu'uj. Octom xnachj 'el yuj eb', to 'ixta', ma'ix yac' q'ue eb' Cajlilc 'a spenc culus, atn Cajlilec caw niwn yel'chi.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

A Ch'an̈ Carta D'a Eb' Hebreo 11:3

Yujto tzca'c 'och Dios 'a qui c'ojol, cojquec, an̈j yet' spaxti sb'ojnac can yolyib'n̈q'uinl tic, yet' jun tzo'n̈ tz'ec' 'a satcha'an̈. A jun tzo'n̈ tas tzquilc ticnec, b'ob'il yet' jun tzo'n̈ tas man̈ checloc.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 1:5

A jun sacq'uinl tic, tzyac' sacq'uinl 'a 'aj 'ay q'uic'q'uinal. Ax jun q'uic'q'uinl cha, matz tac' ya'n tup jun sacq'uinl tic.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Jn 5:17

Palta xyaln Jesús chi 'a ewin 'ixtic: —A 'in Mam, may 'aj tz'och wan smunlji. Yuj cha, an̈jan̈ej in munlj pax an tic, xchi 'a ewinac.

Gn 16:13

Yujto xpaxtin Agar yet' Dios, yuj cha, xya'n can sb'ic Jehová 'ixtic: A Dios Wilmal. Wal yel xwil in Diosal tzin 'ilni, xchi 'ix.

Gn 18:33

Ax yic xlajw spaxtin eb' cha, 'ix 'at Jehová. Ax Abraham 'ix meltzj can pax 'a smantiado.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Jn 1:11

A 'a scal eb' yico', ata wulnc 'eq'ui, palta toxn man̈ chab'ilc yuj eb'.

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

A Scarta San Pablo D'a Eb' Aj Colosas 1:16

Yu'uj, b'onc smasnil tas 'ay 'a satcha'an̈, yet' tas 'ay 'a sat lum tic. Wach'xam jun tzo'n̈ tzquila, toxn̈ej jun tzo'n̈ matz quila, an̈j b'ojnac smasnil. Yet' pax smasnil jun tzo'n̈ xo eb' 'aych yajlil, eb' 'ay spoder, wach'xam matz tac' quiln eb', palta a b'ojnac eb', sec wach' tz'ajx servil yuj eb'.