Jl 3:13 - Chuj San Sebastian Bible

¹³ 'Icha wal tz'aj spolx 'ixm trigo tox xc'anb'i, 'ixta tzeyutj eb', yujto 'ix c'och stiempoal sb'eyc'ojlax eb'. Te'c 'ejm eb', 'icha ste'x 'el yalil te uva wach'x yaj 'a yet'ul, yujto caw wal maysch'olnil eb'.

Chuj San Mateo Bible

¹³ Yuj jantac schucal juntzan̈ nación chi', yuj chi' toxo ix javi sc'ual sch'olb'itaj eb'. Icha tz'aj sjochchaj ixim trigo toxo ix c'anb'i, icha chi' tzeyutej eb'. Teq'uequem lad'an eb', icha stec'chaj te' sat uva vach'xo yaji yic sb'ochaj vino, xchi Jehová.

Jl 3:13 Referans Kwoze

Mr 4:29

Ax yic tzc'anb'i, tzpolx 'eli, yujto tzc'och stiempoal yeli.

Os 6:11

An̈jtona ax tic ex 'aj Judá, tox 'ix wala, tas c'ual 'oj jawc eyailal. A yic tzin nib'n wan̈tn eb' in chon̈b' 'a yol yic Efraín yet' eb' 'aj Samaria, yic tzin jeln tas 'aych 'a yib'n̈ in chon̈b' Israel,

Is 63:3

—Yel tzala, to 'ay nan̈l te uva chi xin te'l yalil, in ch'ocj tzin b'o jun munljel cha, may xon junc nacion̈ xcolwj jac wet'oc. A eb' 'ajc'ojl yajch 'ayin, a eb' chi xin tec' 'ejm 'a sat lu'um, yujto 'ay yowl in c'ojl 'a yib'n̈ eb'. 'Ix laj tz'itj 'och schic'l eb' chi 'a in pichl tic, yuj cha, 'ix b'on̈x 'el smasnil.

Mt 13:39

A jun 'ajc'ojl yajch 'a win 'aj lum cha, atn win diablo cha. A jun tiempoal yic 'oj polxc 'el 'ixm trigo cha, tzyal 'el'chi, atn yic 'oj lajwc 'ec' yolyib'n̈q'uinl tic. Ax eb' polm trigo cha, atn eb' ángel.

Jeremías 51:33

A Jehová tztac' yuj smasnil, atn sDiosal Israel, a tzaln 'ixtic: A eb' 'aj Babilonia, lajn wal eb' 'icha 'ixm trigo lista xo yaj 'a yol te'lab', wan sjaw stiempoal ste'xi, xchi Dios.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Dt 16:9

A yic tz'el yich e poln e trigo, ata tzeyij 'el yich e b'isn uque seman.

Gn 18:20

Xlajw cha, 'ix yaln Jehová 'a Abraham 'ixtic: —A smasnil eb' 'anma 'a Sodoma yet' 'a Gomorra, caw wal tu yalx speclal eb'. Yel xo wal caw xniwtj smaysch'olnilal eb'.

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

Apoc 14:14

Xlajw cha, xwilni, 'ay jun sac 'asun. Ax 'a yib'an̈, ata wocn q'ue jun 'icha 'anma yilxi. 'Ay q'ue jun corona nab'a oro 'a sjolom. Yamb'il jun jos yu'uj, caw jay ye.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Is 17:5

A schon̈b' eb' israel cha, lajn 'oj 'ajcn 'icha 'aj tzpolx 'ixm trigo yuj eb' munljum 'a lum pan̈n Refaim, 'icha tzyutj eb' si'n 'ixm schon tzlaj 'elcn 'a scal, 'ixta 'oj 'aj eb'.