Jl 2:3 - Chuj San Sebastian Bible

³ Lajn wal no 'icha te c'ac', c'uxn tzsatl smasnil yu'uj. A wal yic mantzac jaw e no', man̈x jantcoc swach'l yilx lum lu'um, 'icha wal yilx lum Edén. Ax yic 'oj lajwc ye'cn no', lajn 'oj 'ajcn lum 'icha lum cusltac lu'um. Man̈x 'a jac 'oj colchjoc cani.

Chuj San Mateo Bible

³ Lajan noc' icha te' c'ac' slajviel masanil tas yuuj. Ayic manto javi noc', te vach' yilji lum luum, icha val yilji Edén. Axo yic ol lajvoc yec' noc', lajanxo ol ajcan icha tz'inan luum. Man̈xa jab'oc tas ol canoc.

Jl 2:3 Referans Kwoze

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Gn 2:8

'Ix yawj pax Jehová Dios jun tzo'n̈ 'awb'ente 'a jun lugar Edén sb'i, 'a stojlal 'aj tzq'uel c'u. Ata 'ix ya'cn 'och Dios win winc sb'o cha.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Ex 10:15

Caw wal 'ix macchj 'el sat lum lum yuj no', man̈x 'a jac lum chequel. A jancto tas 'ix can yuj q'uen sacb'at cha, c'uxn 'ix lajw yuj no', man̈x 'a 'awb'en xcan yuj no'. Man̈x 'a jac 'ix can 'a sc'ab'te', 'ixta pax 'a jolmctac te', c'uxn 'ix lajw smasnil, cojxn̈ej te spenc 'ix cani.

Ex 10:5

'Oj b'ut'joc 'el smasnil sat lum lum tic yuj no', man̈x 'a jac lum 'oj checljoc. Ax swach' c'uxn 'ejm no jantcn̈ej tas ma'ix lajw yuj q'uen sacb'at, smasnil te te tzyac' sat, 'oj sc'ux no te smasnil.

Am 7:4

'Ix sch'oxn pax Jehová Dios junx tic 'ayin: 'Ix wilni to c'ac' 'ix sc'anlb'ej yic xya'n 'och yailal, caw tzxexni 'icha stzac'ac', 'ix tup chan̈ a niwquil mar yu'uj, xtacj pax chan̈ lum lum tic.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Salmos 97:3

'Ay jun c'ac' b'ab'l s'at yu'uj, a tzn̈usn smasnil eb' 'ajc'ojol.

Is 9:18

Yujto a maysch'olnil 'a scal 'anma', lajn wal 'icha junc c'ac' tz'ec' 'a tzalan, c'uxn tz'a te q'uix yu'uj, lum waymtac, te niwc te', tzch'umn sb'a yic'l 'a scal tab'.

Is 9:19

Yujn̈ej yowl sc'ojl Jehová tztac' yuj smasnil, yuj cha, ax slajw 'el jun chon̈b' tic. 'Icha n̈ej stz'a te 'ac yuj c'ac', 'ixtan̈ej 'oj 'aj slajw 'ejm eb' 'anma tic, man̈x 'oj sna eb' yit 'anma'il.

Is 14:17

Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.

Is 15:6

'Oj tup chan̈ eb' a a 'a yol yic Nimrim, ax stacj chan̈ smasnil te c'ultac. Man̈x 'a xon junc te c'ultc yax xil 'oj canoc.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Is 33:4

'Icha wal tzyutj no c'ulb' satn 'el te 'awb'ente', 'ixta wal 'oj 'aj yijx 'ec' sricoal eb' chon̈b' 'ajc'ojl yajch 'ayach.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.