Jl 2:23 - Chuj San Sebastian Bible

²³ E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Chuj San Mateo Bible

²³ Masanil ex cajan ex d'a Sion, tzalajan̈ec. Tzalajan̈ec d'a Jehová co Diosal, yujto ol yac' n̈ab'il q'uinal d'ayon̈ d'a sc'ual, b'ab'el n̈ab' yed' lajvub' n̈ab', icha sc'ulejtaxoni.

Jl 2:23 Referans Kwoze

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

A Scarta San Pablo D'a Eb' Aj Filipos 3:1

A ticnec ex wu'tac, ex wanab', tzaljan̈c 'a Cajlil. 'Ay jun tzo'n̈ xo tas 'oj walb't 'ayex. Wach'xam waljnacx 'ayex, palta matz in cus waln 'at 'ayx jun 'ejm xo, yujto yowlal tze wach' 'ojquej 'eli.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.

Salmos 28:7

Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.

Is 30:23

'Oj ya' cot Jehová n̈ab' 'a yib'n̈ eyawb'en 'awb'il eyuj 'a sat lum lu'um, caw 'oj yac' lum sb'a'al, til wal trigo 'oj yac' lu'um, a 'a yic jun tiempoal cha, a 'e no cajb'en noc', til wal slewnal 'aj 'oj laj tan̈wxoc wa e no'.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Dt 28:12

'Oj sjac wal satchan̈ 'aj 'ay sricoal, ax yem 'a eyib'n̈ 'icha yem n̈ab' 'a yib'n̈ lum lum 'a stiempoal, yic caw wach' tz'aj smasnil e munljel. 'Oj stac' eya'n majnil 'a jun tzo'n̈ xo nacion̈, palta ax xo tic, may tas 'oj e c'an e majnc 'a junc xo mach.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

Zacarías 10:7

A eb' 'aj Israel, caw te'n 'oj 'aj eb' 'icha soldado, 'oj tzaljoc chan̈ eb' 'icha eb' tzalj yu'n yal uva jawnc sti'. A yic 'oj yilnc yunnal eb' jun tic, 'oj tzaljc pax eb'. Caw 'oj tzaljc sc'ojl eb' yuj in colwal.

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Salmos 104:34

Comnoc wach' jun in nab'en tic tzela, yujto cojn 'ayach, ata tz'ilchj in tzaljc'ojlal.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Pr 16:15

Toto tzewj sat win rey, to 'ixta', may chamel. A swach'c'ojlal winac, lajn wal 'icha 'asn yic b'ab'l n̈ab'.

Salmos 32:11

Ex wit 'anmal to wach' e nab'en, 'a'c tzaljoc e c'ojl 'a Jehová, e masnil ex to 'ayx 'och 'a stojlal, b'itnan̈c 'a tzaljc'ojlal.

Job 33:23

Palta q'uinloc a 'a scal nan̈loc yángel Dios, ata tzcot junc tzcolwj yet' jun winc cha, tzyaln 'a Dios to wach' sb'eyb'al,

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Am 4:7

'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Lm 4:2

A eb' quelmtac winc 'a chon̈b' Sión, yel xo wal nib'b'il eb' 'a yib'n̈ q'uen oro caw wach', ax ticnec, lajn xoj tz'aj eb' yixtx 'icha junc lum chen ton̈j b'al b'ob'il yuj junc tz'acum.

Zacarías 9:13

'Oj in c'anlb'oc Judá 'icha junc tzjuln 'at junc jul-lab' yic owal, ax Efraín 'oj in c'anlb'oc 'icha junc jul-lab'. Ax eb' 'aj Sión, 'oj in c'anlb'oc eb' 'icha wespada, yic 'oj wa'nc owl yet' eb' 'aj Grecia, xchi Dios.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Salmos 84:6

A yic tzlaj 'ec' eb' 'a lum pan̈n yic cus'ojlal, tzlaj checlj can a spac'b'a yuj eb', ax yic tzya'n n̈ab', tzlaj b'ut'j chan̈ a 'a lum pan̈n cha.

A Ch'an̈ B'ab'el Libro Yic Yab'ixal Eb' Rey 8:36

ab' wal 'a satcha'an̈ tas tzcal an̈ a checb' on̈ tic, ax a'n lajwc qui mul an̈ a chon̈b' on̈ tic. Tza ch'oxn junc b'eyb'al wach' tzqui b'eylb'ej, tzlajw cha, tza'n cot n̈ab' 'a yib'n̈ lum lum 'ix 'ac' quico'oc tic on̈.

Job 37:13

A yet' jun tzo'n̈ chi tztac' ya'n cot Dios yowl sc'ojol, mto yic tzya'n pax swach'c'ojlal 'a sat lum lum tic.

Salmos 147:8

A tz'a'n 'och 'asn 'a satcha'an̈, yic tzya'n n̈ab' 'a yib'n̈ lum lum tic. A tz'a'n pac' te c'ultc 'a eb' lum tzalctac.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.