Jl 2:22 - Chuj San Sebastian Bible

²² Tzalj cab' e no noc' 'ay 'a caltcte', man̈ xiw cab' e no', yujto 'oj yaxb'oc pax chan̈ te c'ultac. A eb' te niwc te', 'oj ya'x eb' te sat, caw 'oj satnc te higo yet' te uva.

Chuj San Mateo Bible

²² Tzalajocab' noc' c'ultaquil noc', mocab' xiv noc', yujto ol yaxb'ocxi an̈ an̈c'ultac, axo te te', ol yac'xi sat te', tzijtum ol aj sat te' higo yed' te' uva.

Jl 2:22 Referans Kwoze

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Salmos 65:12

Yuj cha, caw tzyaxb' sc'ultcal lum cusltac lu'um, ax lum tzalctac, caw wach' yilx tz'aj lu'um.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Salmos 67:6

A lum lu'um xyac' lum sb'a'al, xac' a yaxilal 'a quib'n̈ on̈, yujto qui Diosal ach on̈.

1 Co 3:7

Yuj cha, a junc 'awum, yet' junc tz'a'n 'och yalil, may jac yel'chi. Cojxn Dios 'ay yel'chi, yujto a tz'a'n q'uib'oc.

Hageo 2:16

'Iltec nab'an, a eb' cob' xmoln junc'loc 'almu yixm 'a yol yet'ul, ax yic xyi'n pax 'elt eb', cojxn lajn̈e 'almu x'el'chi. A eb' xmoln junc 50 ch'ub' yal uva 'a junc yet'l to niwn xon tzq'uet 'a yojol, ax x'aji, cojxn junc'l ch'ub' xq'uet 'a yojol.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Ez 36:30

'Oj wac' niwtjoc sat eyawb'ente, yet' te calte'al te', sec man̈x 'oj eyac' e q'uixwloc e cham yuj wejl 'a sat jun tzo'n̈ xo nacion̈ cha.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

Salmos 65:13

A 'a smasnil lum 'a'lic, ata tzb'ut'j 'ejm no calnelu; ax lum pan̈an, tzb'ut'j 'el lum yuj 'ixm trigo. Yuj cha, tzb'itn smasnil eb' 'anma 'ayach, tz'el pax yaw eb' yuj tzaljc'ojlal.