Jl 2:17 - Chuj San Sebastian Bible

¹⁷ 'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Chuj San Mateo Bible

¹⁷ Oc'ocab' eb' sacerdote, eb' tz'ac'an servil Jehová. A d'a snan̈al templo yed' altar, yalocab' eb' icha tic: Mamin Jehová, ac' nivanc'olal d'a quib'an̈ a on̈ a chon̈ab' on̈ tic. Malajocab' mach tzon̈ b'uchani. Mocab' on̈ telvoc d'a yol sc'ab' eb' ch'oc chon̈ab'il, yic man̈ ol yal eb' icha tic: ¿B'ajtil ay jun e Diosal chi'? mocab' xchioc eb', xchiocab' eb' sacerdote chi'.

Jl 2:17 Referans Kwoze

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Salmos 115:2

Man̈ a cha yal eb' chuc chon̈b'al 'ixtic: ¿'Aj wal 'ay e Diosal cha? man̈ schic cab' eb'.

Salmos 79:10

Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Am 7:2

Wan xo slajw 'ejm te c'ultc yuj no', 'ix waln 'ixtc 'a Dios: —Mamin Jehová, 'ac' wal niwnc'ojlal 'ayn̈ an̈ yin̈tl on̈ Jacob tic on̈, caw wal yune chon̈b'al on̈ on̈. Caw ma'oj techjoc jun tic cuj on̈, xin chi.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

A Ch'an̈ B'ab'el Libro Yic Yab'ixal Eb' Rey 6:3

B'aln̈e metro x'aj yoc scoredoral, lajn x'aj schicn 'icha yatut Dios, ax sat scoredoral cha, nan̈l yol metro x'aji.

Ex 34:9

—Mamin, ach Wajlil, toto caw yel 'ay a tzaljc'ojlal 'ayin, tzach 'at quet' on̈ 'an, yujto a eb' a chon̈b' tic caw wal pit eb', palta comnoc tzon̈ ac' niwnc'ojlal yuj qui mul on̈, yet' qui maysch'olnil tzlaj 'och 'a ojltac, sec tzon̈ a chaj 'och a chon̈b'oc on̈, xchi Moisés.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Am 7:5

'Ix waln 'a 'ixtic: —Mamin Jehová, 'el cab' wal 'a a c'ojl och wa'an, ¿tom 'oj techjoc cuj an̈ yin̈tl on̈ Jacob tic on̈? Caw yune chon̈b'al on̈ on̈, xin chi.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Salmos 89:51

An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.

Salmos 89:41

Ax smasnil eb' 'anma tz'ec' ta', tzlaj yelc' eb' tas 'ay 'a jun chon̈b' cha; ax jun tzo'n̈ xo eb' chon̈b' 'ay 'a sla'nil, xlaj b'uchwj eb' 'a 'a.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Salmos 74:10

Ach qui Diosal on̈, ¿b'a'n̈to wal 'oj 'och wan eb' 'ajc'ojl on̈ stzuntzn on̈? ¿B'a'n̈to wal 'oj 'och wan sb'uchwj eb' 'ayach?

Salmos 42:10

Caw wal tzwab' syal si'mb'il, 'icha to tzma'x poj in b'aquil, yujto tzlaj in yixtc eb' 'ajc'ojol. 'A junjn c'u tzlaj sc'anb'noc eb' 'ixtc 'ayin. ¿'Ajtil 'ay jun a Diosal cha? xchi eb'.

2 Cr 8:12

'Ix ya'n win xajmb'al to tz'a smasnil 'a Jehová, xya'n tz'a 'a yib'n̈ yet'l xajmb'al xb'o 'a yojltac yatut Dios,

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Malaquías 1:9

Tzyal eb' 'anma 'ayx 'ixtic: Ex ya'mal 'och qui ti 'a Dios, c'anc wal 'a Dios chi cu'uj, sec 'oj 'o'ch sc'ojl 'ayn̈ec, xchi eb'. Palta an Jehová in, tztac' wuj smasnil, an tzwala: Toto a jun tzo'n̈ tas xwal tic, a 'oj eya'n̈j eyofrendaoc 'ayin, ma'oj in tzalj in chan 'ayex.

Nehemías 9:36

'Ilt wal nab'n quilx ticnec on̈, tox on̈ meltzj pax 'och mosoal 'a sat lum lum 'ix ac' 'a eb' qui mam quichm on̈, lum 'aj 'ay tas wach' sc'uxxi.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Salmos 42:3

Sc'ual yac'wlil woq'ui, axn̈ej yal in sat 'aych yec'b'oc in wejel, yec'b'oc in tacn̈ti'al. Ya' sb'a cha, ax 'a junjn c'u tzc'anb'n eb' 'anma 'ayn 'ixtic: ¿'Aj wal til 'ay jun a Diosal cha? xchi eb'.

2 Cr 7:20

toto 'ixta', 'oj ex wi'l 'a sat jun lum wa'jnac 'ayex. A jun n̈a x'ochcn wico'oc tic, 'oj wi'l 'a wojltac, ax wa'n can 'och b'uchnb'ilc 'a smasnil nacion̈.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Dt 28:37

'Oj sat sc'ojl jun tzo'n̈ xo nacion̈ eyu'uj, tu eyilx 'a sat eb'. 'Oj e b'uchx yuj eb' 'anma 'aj 'oj ex yi't Jehová.

Nm 25:6

Ya' sb'a wanto yoc' eb' 'a sti Mantiado cha, 'ix 'ec' jun win israel yet' jun 'ix 'aj Madián. Xyi'n 'at win 'ix 'a 'aj 'ay smantiado, 'ix 'ec' eb' 'a yojltac Moisés yet' 'a sat eb' chon̈ab'.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Josué 7:9

A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.