Jl 2:13 - Chuj San Sebastian Bible

¹³ Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Chuj San Mateo Bible

¹³ On̈ cusec yuj co mul d'a smasanil co c'ool, man̈ ton̈ejoc sco tzilchitejb'at co pichul. Con̈ meltzajec d'a Jehová co Diosal, yujto vach' sc'ool. Ay yoq'uelc'olal, ay snivanc'olal, tzon̈ xajanej. B'ecan sc'ol yic'anel jun yaelal tic d'a quib'an̈.

Jl 2:13 Referans Kwoze

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 34:18

La'n yaj 'a stz'ey eb' to man̈x 'anmac yaj spixn tzyab'i, tzcoln 'el eb' tzsomchj 'el snab'en yuj scusc'ojlal cha.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Salmos 103:8

Caw wach' snab'en Jehová, c'un yo'ch sc'ojl 'ayn̈ec, man̈ comnoc tzcot yowal, yujto caw 'ay schamc'ojlal.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

A Ch'an̈ Schab'l Libro Samuel 1:11

A yic xyab'n David jun cha, 'ix stzilnjat spichl yet' eb' ajun yet'oc, yic tzch'oxn 'el eb' scusc'ojlal.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Salmos 51:17

A jun xajmb'al tza nib'j ach in Diosal, atn yic tzqui nan qui b'a yuj qui mul. Caw matz on̈ a patquilj can 'el an̈ tzquij 'ejm qui b'a 'a yic tzqui nan qui b'a cha.

A Ch'an̈ Schab'il Libro Yic Yab'ixal Eb' Rey 22:19

'ix a'n 'och 'a a c'ojol, xe'n 'ejm a b'a 'a wojltac an Jehová in, 'ix 'a tzilnjat a pichul, ach 'oc' 'a wojltac, 'ix ab' tas xwala, to 'oj satl jun lugar tic, ax scatb'tzax eb' 'anma cajn 'a 'a. An̈jtona 'in, 'ix wab' tas 'ix ala, an Jehová in, an tzwal 'ayach.

Ef 2:4

Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Nm 14:18

chajtlto man̈ comnoc tzcot yowl a c'ojl muc'uc. Caw 'ay a chamc'ojlal yet' a niwnc'ojlal 'a yib'n̈ eb' maysch'olnil tzyutj sb'a, mto eb' tenmtac. Wach'xam matz ac' syailal eb' 'ay smul chi muc'uc, palta a smul eb' mamb'il cha, yowlal tzjaw to syailal 'a yib'n̈ eb' 'unnab'il, eb' 'ichicnab'il, eb' schab'il mto eb' yoxl 'ichicnab'il.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

A Ch'an̈ Schab'il Libro Yic Yab'ixal Eb' Rey 6:30

A yic 'ix yab'n win rey tas 'ix yal 'ix cha, 'ix stzilnjat win spichul. Yic wan tzb'eyc' win 'a yib'n̈ muro, ax xyiln eb' 'anma', to a te pichl n̈achtac sat 'aych yuj 'a yol spichl cha, yuj sch'oxn scusc'ojlal.

A Ch'an̈ Schab'il Libro Yic Yab'ixal Eb' Rey 5:7

Yajn̈j wal cha, 'ix yawtn win sreyl chon̈b' Israel ch'an̈ carta cha, 'ix tzilnjat spichul, 'ix yaln 'ixtic: —¿Tom an Dios in jun? ¿tom an tzwac' schamlil 'anma', yet' pax stzatzil, yuj cha, tzchecn cot win jun winc tic 'ayin, yic tzwi'n 'el lepra 'a 'a? Tzcham eyilni, tecn wan sayn eb' tas tznib'j tzin yutej, xchi win rey cha.

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

Gn 37:34

Xlajwn̈ej cha, stzilnjat win Jacob spichul, xya'n 'och win jun spichl tzch'oxn 'el scusc'ojlal, caw niwn tiempo x'oc' win yuj schamlil jun yunnal cha.

Gn 37:29

Ax yic xmeltzj Rubén x'at yilnc pax 'a sti jun xab' cha. Ax 'ix yilni man̈x 'a win José 'ayc' ta', yuj cha, stzilnjat spichul, yic tzch'oxn 'eli to tzcus yuj jun yu'tac cha.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

A Ch'an̈ Schab'il Libro Yic Yab'ixal Eb' Rey 22:11

A yic 'ix yab'n win rey tas tzyal ch'an̈ slibroal ley cha, 'ix stzilnjat win spichul.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Jeremías 42:10

Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

2 Cr 6:27

ab' wal 'a satcha'an̈ tas tzcal an̈ a checb' on̈ tic, tza'n lajwc qui mul an̈ a chon̈b' on̈ tic. Tza ch'oxn junc b'eyb'al wach' tzqui b'eylb'ej on̈, tzlajw cha, tza'n cot n̈ab' 'a yib'n̈ lum lum 'ix 'ac' quico'oc tic on̈.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.