Jeremías 9:6 - Chuj San Sebastian Bible

⁶ A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Chuj San Mateo Bible

⁶ A val tas ay d'a scal eb', an̈ej ac'oj musansatil, ixtoj anima, yuj chi' maxtzac yal sc'ol eb' tzin yal sDiosaloc.

Jeremías 9:6 Referans Kwoze

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Jeremías 11:19

Caw wal tzaljc'ojlal waji, 'icha junc no calnelu tz'ijx 'at 'a 'aj tzmilx chamoc, caw man̈ wojcoc tas tu wan snan eb' 'a in patic. Tzyaln eb' 'ixtic: Qui milc chamoc, sec wach' man̈x 'a mach tznan coti, 'icha wal tz'aj stzu'x 'el junc te te', sec man̈xtzac satni, xchi eb'.

Jeremías 8:5

Palta ax xo tic ex 'aj Israel ¿tas yuj tzeyij 'el e b'a 'ayn 'a jun 'ejmn̈ej? Ex 'aj Jerusalén, ¿tas yuj man̈xtzac ex meltzj cot 'ayin? ¿Tas yuj tzeya'ch e b'a eyixtn eb' 'anma'? Caw man̈xtzac tze nib'j tzex meltzj cot pax 'ayin.

Jeremías 5:27

Caw tzyac' b'ut'joc eb' yol yatut yet' tas tzyelq'uej, 'icha tz'aj sb'ut'j junc jaula yuj nan̈loc no ch'ic tz'ajx 'och 'a yojol. Yuj cha, caw tzq'ue'ch eb', rico xo tz'aj eb'.

Pr 1:29

yujto tze patquilj can 'el jelnal, matz e nib'j to 'ay wel'ch an Jehová in 'a e sat.

Pr 1:24

An ex wawtej, sec tzex cot 'ayin, palta matz e chaj eyab'i'.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Jeremías 11:10

'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.

Is 1:25

'Oj ex wac' cuenta yet' yailal, 'icha to 'oj wa'cn tz'a e paltail cha, ax wi'n 'el smasnil e mul 'aych 'a eyib'n̈ cha.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.