Jeremías 9:17 - Chuj San Sebastian Bible

¹⁷ A Jehová tztac' yuj smasnil, a tzaln 'ixtic: Macljec eyab' tas 'oj wala', 'a'c 'awtxoc cot eb' 'ix 'ix to tojb'il yoc' yuj eb' chamnac, atn eb' 'ix to 'aycn 'och 'a yib'n̈ yoq'ui, xchi.

Chuj San Mateo Bible

¹⁷ A Jehová Yajal d'a Smasanil tz'alan icha tic: Ab'ec, b'at chequec ic'chajcot eb' ix ix aytaxonoch d'a yib'an̈ yoq'ui.

Jeremías 9:17 Referans Kwoze

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

Mr 5:38

'Ix c'och 'a yatut win yajl cha, 'ix yilni wan somlji eb' 'anma yoq'ui, til wal yel yaw eb'.

Job 3:8

Ax eb' cob' tzyalch sb'a to 'ay tas tztac' yu'uj, comnoc scatb'ej can eb' jun 'ac'wl cha, eb' tztac' ya'n 'och no Leviatán yiclumal.

Mt 9:23

Ax yic xc'och Jesús 'a yatut win yajl cha, 'ix yilni 'ay eb' wan yutz'n yamay. Ax eb' 'anma', til wal yoc' eb'.

Jeremías 7:29

¡Ex 'aj Jerusalén, joxc 'el xil e jolm yuj cusc'ojlal, tze juln can 'eli! ¡'Ixquec 'a lum tzalctac to caw cusltac, tze b'itnan jun tzo'n̈ b'it yic cusc'ojlal! Yujto an Jehová in, caw xcot wowl 'ayex, tox ex wactj cani, xchi Dios.

Lm 2:5

Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Ez 27:2

Ach 'anma', b'itnej jun b'it tic 'ixtc 'a yib'n̈ chon̈b' Tiro.

Ez 32:16

A jun tic b'it yic chamel, 'oj sb'itnoc eb' 'ix 'ix 'a jun tzo'n̈ xo nacion̈, yic 'oj 'oc' eb' 'ix yuj Egipto, yuj pax eb' 'anma 'oj chamoc. An tzwal jun tzo'n̈ tic, xchi Dios.

Am 5:1

Ex wit israelal, 'ab'c wal in paxti yic cusc'ojlal tzwalcn 'el 'a eyib'an̈:

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.