Jeremías 7:14 - Chuj San Sebastian Bible

¹⁴ Yuj cha, 'icha wal wutjnac can watut 'a Silo, 'ixta 'oj wutc can pax jun watut 'aj tzin b'inax tic, atn jun wa'jnac can 'a eb' e mam eyicham yet' 'ayex, atn jun cob' tzeya'ch yipc e c'ojl ticnec.

Chuj San Mateo Bible

¹⁴ Yuj chi' icha val vutejnac in cajnub' d'a Silo chi', icha chi' ol vutejcan in templo tic, aton jun vac'nac d'a eb' e mam eyicham yed' d'ayex tic, aton jun tzeyac'och yipoc e c'ol ticnaic.

Jeremías 7:14 Referans Kwoze

Jeremías 7:4

Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Jeremías 7:10

Tzlajw cha, tzex jab'x 'a wojltac 'a in cajnub', tzeyaln 'ixtic: May 'oj qui'nec, xe chi. Tzeyamn 'och e b'on pax smasnil maysch'olnil to caw matz chaj in c'ojol.

Salmos 78:60

'ix yactn can jun scajnub' 'a Siló, atn jun yatut yaj 'a qui calec.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Lm 4:1

Caw wal xq'uic'b' 'el yilx q'uen oro to caw wach', tox 'ix juw yilx stzictznil q'ue'en. Ax q'uen q'uen 'aych 'a scajnub' Dios, sactzicnac xoj yajcn eb' q'uen 'a yol caye.

Lm 2:7

'Ix spatquilj can 'el Cajlilec jun tzo'n̈ yet'l xajmb'al, man̈x 'a yopiso yu'uj. 'Ix ya'n can 'och 'a yol sc'ab' eb' 'ajc'ojol yic tzma'n 'ejm eb' yatutal. Til wal 'aw 'aych 'a yol yatut Jehová, 'icha xo to q'uin̈ 'aych ta tzcab'i.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 7:12

'Ixquec 'a chon̈b' Silo, 'a 'aj 'e'nc in cajnub', atn jun in si'jnac 'el 'a yic b'ab'el 'a 'aj 'e'nc in cajan. Ax eyilni tas wutjnac can yuj smul eb' e mam eyichm cha.

Is 64:11

Ax yatutal 'aj tzcal qui b'a 'ayach, atn jun caw wach' yilxi, 'ix lajw stz'a 'ejmi, atn jun 'aj yaljnac sb'a eb' qui mam quichm 'aych on̈. Smasnil jun tzo'n̈ tas caw wach' yilx 'aych cuj ta 'on̈, c'uxn xlajw 'ejmi.

2 Cr 7:21

A jun n̈a man̈x jantcoc swach'l yilx tic, 'oj lan̈chjoc can 'ejmi, caw 'oj sat sc'ojl eb' 'oj 'ec' 'a stz'ey yilni, ax yaln eb' 'ixtc yu'uj: ¿Tas yuj 'ixtc 'ix yutj Jehová jun chon̈b' tic, yet' pax jun n̈a tic? 'oj xchic eb'.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Jeremías 23:39

Yuj cha, 'oj wa'cn sat in c'ojl 'ayex, yet' 'a jun chon̈b' 'ix wac' 'ayex, yet' 'a eb' e mam eyicham. Caw najt 'aj 'oj 'at ex in julcn 'eli.

Ez 23:31

A sb'eyb'al 'ix a nul'j chi 'ix e'aj, yuj cha, 'icha to junn̈j vaso 'oj wac' eyu'lab'oc, tzyal 'el'chi to 'oj wa'ch a yailal, 'icha 'ix wutj wa'n 'och syailal 'ix a nul'j cha.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.

Jeremías 26:4

Tzal 'a eb', chajtlto an Jehová in, an tzwal 'a eb' 'ixtic: Ax tic ma'ix e chaj eyab' in paxti', ma'ix eyiclj smasnil cuynb'il 'ix wal 'ayex.